Popular Bible Verses from 1 Pedro 3

Share

Cheqꞌuehak ban xlokꞌal li Ka̱cuaꞌ Jesucristo chi anchal e̱chꞌo̱l ut chekꞌaxtesihak e̱rib saꞌ rukꞌ. Chenauhak xsumenquil li teꞌraj patzꞌoc e̱re chirix le̱ pa̱ba̱l. Ac cua̱nk saꞌ le̱ chꞌo̱l cꞌaꞌru te̱sumeheb cuiꞌ. Ut chesumehakeb saꞌ xya̱lal ut saꞌ tu̱lanil. Chexcua̱nk saꞌ xya̱lal ut me̱ba̱nu chic li ma̱usilal re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ cꞌaꞌux. Usta cha̱bil nequeba̱nu xban nak nequepa̱b li Cristo, abanan cuan li nequeꞌa̱tinac che̱rix. Eb aꞌan xuta̱nal teꞌe̱lk xban nak nequeꞌkꞌaban.

Li Ka̱cuaꞌ Dios narileb li ti̱queb xchꞌo̱l. Ut junelic narabiheb nak nequeꞌtijoc. Abanan yo̱ xjoskꞌil li Ka̱cuaꞌ saꞌ xbe̱neb li nequeꞌba̱nun re li ma̱usilal. (Sal. 34:12-16)

Mixic e̱chꞌo̱l riqꞌuin xtikibanquil e̱rib. Me̱sicꞌ le̱ chꞌinaꞌusal yal riqꞌuin xcha̱bilal le̱ rakꞌ. Li tzꞌakal chꞌinaꞌusal ma̱cuaꞌ riqꞌuin xyi̱banquil le̱ rismal chi kꞌaxal chꞌinaꞌus chi moco riqꞌuin rocsinquil li oro. Li tzꞌakal xchꞌinaꞌusal li junju̱nk, aꞌan lix ti̱quilal xchꞌo̱l ut lix tu̱lanil. Aꞌan incꞌaꞌ na-osoꞌ. Li ti̱quil chꞌo̱lej ut li tu̱lanil, aꞌaneb li kꞌaxal lokꞌ chiru li Dios.

Joꞌcaꞌin naxye saꞌ li Santil Hu: Li ani ta̱raj cua̱nc chi sa saꞌ xchꞌo̱l re tixnumsiheb li cutan saꞌ xya̱lal, incꞌaꞌ ta̱a̱tinak riqꞌuin yibru a̱tin chi moco ta̱ticꞌtiꞌik. Joꞌcan nak checanabak xba̱nunquil li incꞌaꞌ us. Cheba̱nuhak ban li us, joꞌ naraj li Dios. Ut cheqꞌuehak e̱chꞌo̱l chi cua̱nc saꞌ tuktu̱quil usilal ut incꞌaꞌ chic texpletik.

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l. Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

¿Ma cuan ta biꞌ junak ta̱rahobtesi̱nk e̱re cui nequeyal e̱kꞌe chixba̱nunquil li us?

Joꞌcan nak checanabak xba̱nunquil li incꞌaꞌ us. Cheba̱nuhak ban li us, joꞌ naraj li Dios. Ut cheqꞌuehak e̱chꞌo̱l chi cua̱nc saꞌ tuktu̱quil usilal ut incꞌaꞌ chic texpletik.

Cui li Dios naraj nak te̱cꞌul li raylal chi ma̱cꞌaꞌ e̱ma̱c, kꞌaxal us nak te̱cꞌul li raylal chi ma̱cꞌaꞌ e̱ma̱c chiru nak te̱cꞌul li raylal riqꞌuin xba̱nunquil li ma̱usilal.