Popular Bible Verses from 2a Timoteo 2

Share

Caw cha wakꞌ ja wip ja mulna yin yet Dios, yet watxꞌ chi yil Dios tol watxꞌ ja mulnail, catuꞌ jichan cꞌal cha wute ja walon el skꞌane Dios jaꞌcaw yel. Ta cha wun jaxca chi wal tiꞌ, cꞌam tzet yinal oj jaach qꞌuixwoj a sattaj Dios.

Manche ja wun tzet man watxꞌoj, jaxca wan tzet chi yoche oc ebꞌ ja wet achꞌeal. Jichan cꞌal cha wute ja bꞌeybꞌal. Asan yin Naj Kaawil bꞌey cha waoc ja cꞌul. Ey ojabꞌ ja camcꞌulal. Ey ojabꞌ watxꞌcꞌulal je yin jaxca chi yute sbꞌa ebꞌ cꞌam niꞌoj spenail sattaj Naj Kaawil, yet chi yalon sbꞌa ebꞌ tet.

Jaꞌ mac chi akꞌon servil Naj Kaawil, cꞌam chi skeꞌ, tol comon cꞌal chi yatoj sbꞌa xol jowal. Sowalil yin watxꞌcꞌulal chi yute sbꞌa ebꞌ tet masanil ánima. Sowalil watxꞌ chi yute cuywa sbꞌa ebꞌ, catuꞌ miman pax chi yute scꞌul ebꞌ.

Ta jaon, cꞌam chi kun tzet chi kalaꞌ, jal pax Naj chi cꞌal yun tzet chi yalaꞌ. Yutol cꞌam chi skeꞌ sqꞌuexon stiꞌ Naj yin tzet chi yalaꞌ.

Yetoj pax oj, watxꞌcꞌulal ojabꞌ cꞌal chi yute yalon ebꞌ tet ebꞌ chi tit sjowal. Tala cꞌuxan oj akꞌle snaꞌ sbꞌa scꞌul ebꞌ yu Dios, catuꞌ oj yotajnen el ebꞌ jun cuybꞌanil jaꞌcaw yel.

Man ja chaꞌ ja wabꞌ tzet chi yal ebꞌ comon cꞌal chi kꞌanabꞌi, ebꞌ cꞌam yeloc apnoj tzet chi yalaꞌ. Yu scomon kꞌane ebꞌ tuꞌ, yuxan chi cꞌal too ebꞌ xol tzet man watxꞌoj.