Popular Bible Verses from Mareko 15

Share

O le itūlā e tolu fo‘i ‘ua ‘alaga ai Iesu, ‘ua leo tele, ‘ua fa‘apea atu, “Eloi, Eloi, lama sapatani?” O lona uiga pe a fa‘amatalaina, “Lo‘u Atua e, lo‘u Atua e, se a le mea ‘ua e tu‘ulafoa‘i mai ai a‘u?”

O le ta‘ita‘i o le to‘aselau, o lē na tu atu i ona luma, ‘ua iloa e ia ‘ua fa‘apea ‘ona tō o lana mānava ‘ona fa‘apea atu ai lea o ia, “E moni, o le Alo o le Atua lenei tagata.”

‘Ona saeluaina lea o le ‘ie puipui o le malumalu, ‘ua amata mai i luga, ‘ua o‘o lava i lalo.

‘Ua ‘alaga Iesu ‘ua leo tele, ‘ona tō ai lea o lana mānava.

‘Ua o‘o i le tutonu o le lā ‘ona pogisā uma ai lea o le nu‘u, ‘ua o‘o lava i le itūlā e tolu.

‘Ua loto Pilato e fa‘alotomalie i le motu o tagata, ‘ua ia tatalaina atu ai Parapa ‘iā te i latou; ‘ua uma ‘ona sasaina o Iesu e ia, ‘ona ia tu‘uina atu lea o ia ‘ia fa‘asatauroina.