Popular Bible Verses from 1 Corinth 12

Share

God da gii ebrybody sompin fa show dat e Sperit powa da wok eenside um fa de good ob all de people.

Now den, oona mek op Christ body. Ebry one ob oona a paat ob dat body.

Ef one paat da suffa, all de oda paat suffa wid um. Ef one paat git praise, all de oda paat rejaice wid um.

God Sperit da mek one poson able fa taak wid sense. Same time, de same Sperit da mek noda one able fa laan people. De same Sperit da gii one poson fait. E da gii oda one powa fa heal sick people. An de same Sperit da gii one poson powa fa do miracle. Same time, e da gii noda one powa fa taak God wod. De Sperit da mek oda one able fa know ef God Sperit or oda sperit da mek people taak wa dey da taak. God Sperit da mek oda poson able fa taak oda language. An e da mek noda one able fa tapetate dem oda language.

Dat de same Holy Sperit wa da gii ebrybody dey gif fa do wa e wahn um fa do.

God done dis so dat dey ain gwine be no quarrellin een de body. Bot de diffunt paat fa lib een susha way dat dey hab de same cyah fa one noda.

Dey plenty diffunt kind ob ting dat God Sperit da gii we, bot de same Holy Sperit da gii we um all. Dey plenty diffunt way fa saab de Lawd, bot all we da saab de same Lawd. People wa know how fa do plenty diffunt kinda wok, bot de same God da mek all people know how fa do all dem wok.

Dat so e stan een de choch. God been pit all de paat dem een place. Fus, de postle dem, secon, de prophet dem, tird, de teacha dem. Den God pit dem wa da do miracle. Atta dem, e pit dem wa e gii powa fa heal, an den dem wa able fa hep oda people, den dem wa able fa lead oda people. An den, dem wa e gii de gif fa taak oda language.

De body ain got jes one paat. De body got plenty paat.

No, we cyahn do dout dem body paat wa we tink ain got much scrent.

Ef de one whole body been jes a eye, how e gwine yeh? Ef de one whole body been jes a yea, how e gwine be able fa smell ting? Bot fa true, God pit ebry paat yah een de body jes de way e wahn um. Ef all dem diffunt paat yah been jes one paat, de body ain gwine be a body tall.