Popular Bible Verses from Juan 15

Share

Qaq Aỹem maye sheeta'am aca 'eesa nañiguishe, qaq qami' nacheqami' icoue. Qaq cam nache 'eetai' da Aỹem na'attaua'a qataq ña'atta'ai', nache camaye ỹataqta qalota da alaỹaxac, cha'aye saishet da huo'o ca 'eneque qami' da huo'otaq saishet da Aỹem qana'ayeetaua'a.

Qaq qami' da qoquiito'ot da Aỹem qana'ayeetaua'a, nache Aỹem nataqa'en shecto'ot da qami' ña'atta'agueta. Cha'aye acam lcoue, saishet da maiche huo'o ana ala da saishet da ỹoqta na'attaua'a acam lamo. Qaq nache 'eetec nataqa'en da saishet da maiche huo'o ca alaỹaxac da qoñiita, da huo'otaq saishet da Aỹem qana'ayeetaua'a.

Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique.

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Qaica ca napacalec da lauotaxanaqtaic cam ỹan da nachaalataxac da ỹaalec na nauochaxauapi.

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Qaq dam ỹamaxasoxonaxac maye qami' sanema 'eeta': Ñi 'oonolec da qoñiita ỹataqta ỹauotec ca lỹa, 'eeta'am da 'eetec da ỹataqta qami' sauoteque.

Ñim Ita'a huo'o da ntonaxac da huo'otaq ỹataqta qalota da alaỹaxac da qoñiita, qaltaq qanachacheetaigui da ỹataqta qami' ỹapaxaguenataqa.

So Jesús queto'ot da da'aqtaxaatapeguema soua lapaxaguenataqa 'eeta': Aỹem Nachaỹem maye sheeta'am aca 'eesa nañiguishe uva, qaq Ñim Ita'a, qalaq Ñimaye 'eeta'am cam ilotague' aca'aca nañiguishe.

Qaq cam saishet da Aỹem na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qaỹasaxauec, qaq da deqaqa, nache qaỹavigaxat.

Qami' sa'aqtaxanema de'era, yaqto' qami' ỹataqta qauamaichiguiñi, qoñiita'am Aỹem.

Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Qaq 'era da qami' samaxaleguete, 'eeta': Ñi 'oonolec da qoñiita ỹataqta ỹauotec ca lỹa.

Na shiỹaxauapi qami' ỹauoteque da qoñiita'am namayepi da lataxac. Qalaxaye qami' saishet da qoñiita'am namayepi, cha'aye qami' lleca'aua'alo da yaqto' saishet da qoñiita'am da lataxac namayepi, ỹoqo'oye ỹataqta saishet da qami' iuote'n.