Popular Bible Verses from Israelítalachi 6

Share

Junca tenhito, chiquilachi tenca sonba icala joe. Jana barcobi jadon fieroca sili telepoto, lamaribi quepolaquimanhe yape barco luwetusa. Junni Diosi telatunun trato quicaca tenhito, chiquilachi tencanan ya barco cuwenta sonba rachunae. Ya fierobi telaramin siliri Diosichi tsara sen tamobi tela rae Diosichi tobi. Jun sen tamo caquele wa jali tsan tin rae tamolan cuwenta. Junni jun telaramin siliri ya jali tsan banachi Diosichi tsara sen tamobi tela rae yape chiquilachi tenca tsara sonba rasa.

Nula sen ilainan, Diosi pansituchunae. Diosichi tenchi duque ticatiya quilaquinae. Diosichi tenchi yachi tsachilaca duque ayudaichi timinla jominhe. Catsanquiminla joe.

Junni yari palu fiqui cuwenta patie. Diosi trato quica fiqui man fiqui joe. Diosinan testico ito meráyoe tica, yanan man fiqui joe. Ya palu fiquica tsachila fe tenhino podeilaichunae Diosi nene patuchunaeque. Junni chiquilachi tenchi ya palu fiqui cuwanue. Chiquilari se lochun Diosibe cayaica jolajoyoe. Junni chiquilari jun fiquibe tsarasica mirano poden jolajoyoe. Son tito mirano poden jolajoyoe chiquilachi tenchi ticatiya sen quichunaeque. Seque queyanae titori tsanquichunae.

Junni Crístoca casale miinun fiquica miica joto, junsi fe miide miide jito, uwanla cuwenta ilaina! Crístochi fiquica camiitominnan, tsachi tala tenca cato, tenca mánta sen tenca ichique tenfentsan joeque tenca canaminlanue. Junni Crístochi fiquica casale micarinato, jun epele tenca canunca telaquepoto, casan tala tenca mancanola joeque micariminlayoe. Diosibe cayaito se lonola joeque micariminlayoe. Mumunhino jonunca, tedechi tale quinunca, puyaca junla mansonhinola jonunca, seitonlaca numatotiya casticaquino jonunca micariminlayoe. Junni nulacari wari jun fiquicanan manan manmicarino muquetue. Junte nechi fécari camiino jonunca micarino muquee.