Popular Bible Verses from Openboarunk 5

Share

un dee sungen een nieet Leet un säden: Du best em Staunt daut Buak to nämen un de Säajlen optomoaken, wiels du wieescht dootjemoakt worden un jeefst dien Bloot han, doamet fa Gott von aule Menschenstam un Sproaken un Velkja, een Volkj fa sikj to kjeepen

dee sungen met lude Stemm: Daut Laum, daut dootjemoakt wia, es daut wieet, Krauft un Rikjtum un Weisheit un Jewault un Iea to nämen un jeloft un jedankt to woaren.

un hast von an Kjennichs un Priesta jemoakt, onsen Gott to deenen, un see sellen opp de Ieed rejieren.

Dan hieed ekj aules waut em Himmel un opp de Ieed un unja de Ieed, waut opp daut Mäa un em Mäa jemoakt es, sajen: Däm, dee opp däm Troon sett, un daut Laum traft en aule Eewichkjeit aulen Dank un Iea un Harlichkjeit un Jewault!

Oba dan säd eena von de Eltestasch to mie, ekj sull nich hielen: Kjikj emol! De Leiw von Juda sien Staum, dee von David aufstaumt, es jewennent oppjekomen de säwen Säajlen to bräakjen un daut Buak optomoaken.