Popular Bible Verses from Nehemia 1

Share

Aus ekj dise Wieed hieed, sad ekj mie dol un hield un truad Doagen lank, un deed fausten un bäden ver däm Gott em Himmel

un säd: Oba, HAR, du Gott em Himmel, du groota un jeferchta Gott! Du steist tru to dienen Bunt un to dee, dee die truhoatich goot sent un diene Jebooten hoolen. Lot diene Uaren doch häahorchen un diene Uagen op sennen, daut du dienen Deena sien Jebäd hieescht, waut ekj ver die Dach un Nacht fa diene Deena, de Israeliten, bäden doo. Ekj bekjan de Israeliten äare Sinden, waut wie aun die jedonen haben; ekj un mien Voda siene Famielje haben uk jesindicht.

Lot diene Uaren doch häahorchen un diene Uagen op sennen, daut du dienen Deena sien Jebäd hieescht, waut ekj ver die Dach un Nacht fa diene Deena, de Israeliten, bäden doo. Ekj bekjan de Israeliten äare Sinden, waut wie aun die jedonen haben; ekj un mien Voda siene Famielje haben uk jesindicht.

Wie haben die beeset aunjedonen, wiels wie diene Jebooten, Aunordnungen un Rajchten nich jehoolen haben, waut du derch dienen Deena Moses aunjeordnet hautst. Denkj oba doch aun de Wieed, waut du to dienen Deena Moses sajen deetst: Wan jie mie ontru woaren, well ekj junt mank de Velkja vestreien. Wan jie oba trigj no mie komen un miene Jebooten hoolen un befoljen, dan well ekj, uk wan jie vesprenjt sent bat aum Enj vom Himmel, junt doch von doa toopläsen un junt no de Städ brinjen, dee ekj utjesocht hab, daut mien Nomen doa wont.