Popular Bible Verses from 1 Juan 3

Share

Mga anak, ipakita ta ang matuod nga paghigugma pinaagi sa mga maayong buhat, dili sa mga pulong lamang.

Gihatag ni Cristo ang iyang kinabuhi alang kanato. Pinaagi niini atong maila ang tinuod nga gugma. Busa angay usab kita nga maghalad sa atong kinabuhi alang sa atong isigkatawo!

Palandonga ninyo unsa ka dako ang paghigugma sa Amahan kanato! Gihigugma kita niya pag-ayo nga tungod niini giisip kitang mga anak sa Dios ug mao gayod kana kita. Ang hinungdan nganong wala makaila kanato ang kalibotan mao nga wala kini makaila sa Dios.

Ang magpadayon sa pagpakasala iya sa Yawa kay ang Yawa nagpakasala man sukad pa gayod sa sinugdan. Ang hinungdan sa pag-anhi sa Anak sa Dios mao ang pagguba sa mga buhat sa Yawa.

Dili na magpakasala ang nahimo nang anak sa Dios kay ang kinaiya sa Dios anaa na man kaniya. Dili na siya magpakasala tungod kay ang Dios iya na mang Amahan.

Unsaon man pag-ingon sa usa ka dato nga nahigugma siya sa Dios kon nagdumili siya pagtabang sa iyang isigkatawo nga anaa sa kawad-on?

Ang nagtuman sa mga sugo sa Dios anaa sa Dios ug ang Dios anaa kaniya. Ug masayran nato nga ang Dios ania kanato pinaagi sa Espiritu nga iyang gihatag kanato.

Ang kalainan sa mga anak sa Dios ug sa mga anak sa Yawa mao kini: ang wala magbuhat sa matarong o wala mahigugma sa iyang isigkatawo, dili anak sa Dios.

Ang mensahe nga inyong nadungog sukad pa sa sinugdan mao nga maghigugmaay kita.

Busa, mga igsoon, ayaw katingala kon dumtan kamo sa mga tawo nga iya sa kalibotan.