Popular Bible Verses from 2 Ti 1

Share

Qu'n mya te xob'elte' xewb'aj xqk'am te Dyos, te ipumaljte', tu'n tten qk'ujlalil kyi'j txqantl ex tu'n tb'ent qanq'in b'a'n twitz Dyos.

Maqo klet tu'n Dyos ex maqo ttxok tu'n qok toju' ttanam xjan, mya tu'nwt qaq'unb'en xqo ttxoka', tu'nte' b'a'n tb'is tk'u'j Dyos ex tu'n t-xtalb'il qi'j tu'nel Jesukrist ttzajlenx t-xetnejel.

Qu'mtzun nxi' woqxena'ne' teya, q'onk tilila toju' toklena tzaj tq'o'n Dyos tejtkub' nq'o'ne' nq'ob'e' toj twi'ya.

Qu'mtzun lalun ch'ixwiya tu'n tyolina b'a'n ti'j Qajaw; ex lalun ch'ixwiya tu'nju' jpu'nqine' tu'n tpaj nchin ajb'ene' te Qajaw. Atipena' tu'n tik'xtu'na tu'n tpaj pakb'ab'lte tpakb'al b'a'n, inpe' tzajku' q'o'n tipumala tu'n Dyos tu'n tik'xtu'na.

Tu'ntzunju' nchin yajta'ye'. Ex min nchin ch'ixwiye' toju' yajb'il, qu'n b'i'n wu'ne' ja q'uqla' nk'u'je'; ex q'uqli nk'u'je' ati tipumal tu'n tk'u'nteju' tzaj toqxena'n weye' tzmax ajtjapun tq'ijlalil.