Popular Bible Verses from 1 Jon 4

Share

Lworo mo pe i mar, ento mar ka doŋ oteggi ryemo lworo woko; pien lworo bino pi kuro keto can, doŋ dano ma lwor, noŋo marre pud peya oteggi.

Litinona, wun litino pa Lubaŋa, doŋ wutyeko loyogi woko; pien ŋat ma tye i iwu-ni dit kato ŋat ma tye i lobo.

Gin mumiyo wabedo ki mar, pien en okwoŋo marowa.

Lurema, myero wamarre kekenwa, pien mar a ki bot Lubaŋa, ŋat ma maro noŋo en latin pa Lubaŋa, dok ŋeyo Lubaŋa.

Ŋat ma pe ki mar, noŋo en pe ŋeyo Lubaŋa, pien Lubaŋa aye mar.

Man en aye mar, pe ni wan wamaro Lubaŋa, ento en aye omarowa, ci ocwalo Wode me bedo gin me kwanyo bal woko ki i komwa.

Lurema, ka Lubaŋa doŋ omarowa kit man, wan bene myero wamarre kekenwa.

Gin ma yam onyuto marre botwa en ene, Lubaŋa ocwalo Wode acel keken i lobo wek omi wabed kwo pire.

Ka ce dano mo waco ni emaro Lubaŋa, kun dag ominne, noŋo en lagoba; pien ŋat ma pe maro ominne ma en oneno kome, pe twero maro Lubaŋa ma pe oneno kome.

Dano ma tuco ni Yecu en Wod pa Lubaŋa, Lubaŋa bedo i iye, ki en bene bedo i i Lubaŋa.

Cik man wanoŋo ki bote ni, dano ma maro Lubaŋa myero omar ominne bene.

Lurema, pe wuye kit cwiny ducu, ento koŋ wutemgi, wunen ka gin cwiny mua ki bot Lubaŋa, pien lunebi mapol ma lugoba doŋ guket gucito woko i lobo. Wubiŋeyo Cwiny pa Lubaŋa kit man: cwiny ducu ma tuco ni Yecu Kricito yam obino kun tye ki kom dano, meno Cwiny pa Lubaŋa

ento cwiny ma pe tuco Yecu kit meno, pe oa ki bot Lubaŋa. Meno cwiny pa lakwor pa Kricito ma yam wuwinyo pire, ni tye ka bino, kombeddi doŋ tye i lobo.