Popular Bible Verses from EFESENA 5

Share

Sligi kuɗ Lawna, ki gurona valam sa hayam kisina nala; poygi hay minda, ki Kristu minayawa nala, vul tuwam goy kaya tam Lawna, ki vulda hiɗi ɗifinna, ki urdina ma his ŋaana nala.

Nigi ma li ŋal hay poyta vigiya, nigi ma poy ki sum sa ɦoyayna nalaɗi, may nigi ma poy ki sa yalla nala; gusgi liyna, kay buura ka joo'o.

Nigi ma hob haygi hiɗi dolaynɗi, kay nam kalgi hay viyuwta, may hobgi hiɗi Ŋusta-Peldetta; Lakgi jar-tuwgi hiɗi nul ma suburta, hiɗi nul ma gi deɓta, hiɗi nulla ma hay Ŋusta; ligi nulla, vulgi suburta mi Bum-Sumuna hiɗi dikgi kafe. Gigi deɓ dok-dok mi Lawna bumna kay slen kaf hay semda vi Bum-Sumuna vaya Yesu Kristu

Kay na'ta lakgi hay bay-wida kay yigiɗi, may wigi minda vi Lawna.

Nigi jufayna, gigekaw ma min cata valamu valamu, ki Kristu min tapna nala, vul tuwam goy kisiya kaw

Kay nigi jewe ay jufunda may wulini nigi muɗi mi haraŋa hay Bum-Sumuna, poygi ki gurona vi haraŋa nala kaw

Nigi ma hot yigi gaa kuɗ tuwgiya tuwgiya hay narta kuɗ Kristu.

Nigi boyna, humgi kuɗ jufaygiya, ki kuɗ Bum-Sumuna nala.

Hini kayn ala, gige gige jargiya ma min cata valamu valamu, cata ma hum kuɗ jufa'a kaw.

Kay na'ta jufna ma hin bulumu hiɗi sulumu kay tap hiɗi cata valamu, nisi ma' ma muɗ mi sliw-tuw ma kepna.

tapgi hiɗi lop ma getayna vi jufundaɗi, may nigi ma patam cawam goyo.