Popular Bible Verses from 1 Timotey 6

Share

Kəɗey vaw na, me kəɗey vaw hayna ma me pey 'ar, hayna ha ndzafa mendzey me ndəvey kakay ana, na ma zələmaka kava na, andza na kah ma səradərawa da Guma na hayna, kah ma təɓa ka mevel da 'ar me pey ana, ka slam dey ma ndaw seydewe hay haɗadzidzay ana.

Akwa na, slasləlay ma tek a neney hay tabiyaha na, me wuɗey sumkwo. Sa ma ndaw na me səpey zleley ana hay na, ka zləgam ba dreŋ da 'ar me pey, ka slakama mezek ta ba, ta me dzeley ’ar ka tek hay haɗadzidzay.

Ayaw me pey 'ar na, tek me ndzefey da huɗa ɗuhwa ha, ma ndaw andza me pətey har kakay ana na.

Akwa na, i ka zəgukwawa tek da har a bəla ɗey dakay, kəɗey satsa na, i da slafakwa ha me zəgey tek a har dakay.

A ndaw zleley ma bəla neney hay, ləvatar na ka da ŋgalakam zlay, ka da padama 'ar ata a zleley a neney me ndzey kakay ana zlay, amana, ka Bay ma Bəla, ŋga ndaw ma vəlandakwar zleley tabiya ha kəras kəras ana, ma lakwa ka kadakwa wuiya.

Ma ndaw me wuɗey me tərey zleley ahiya na hay na, a kəlam a gendeɗ ma me pey wuiya, a tek me sey so lamba na hay haɗadzidzay, haya kakay ana hay, a kuyadata ndaw hay a me zləgey ta me zəɗey.

Hayna ka kam hahaya, ka kam zleley me key tek hayna hay, ka wuradama har, ka wanəkadama andza sa ma ndaw hay. Kəɗey tok na, a da kwarsam zleley a vaw ta na, na mambay ana, na gədaŋ ana na, ka mey, ma aza ka da ndzafadama mendzey dərka na.