Popular Bible Verses from Galateǁîn 5

Share

Xawe Gagab di ǂûb ge: ǀNammi, ǃgâiaǂgaob tsî ǂkhîb, ǃnūǃnâxasib, khoexaǃnâsib tsî ǃgâisib, ǂgomǂgomsasib, tsamtsiǃnâsib tsî ǃkhōǀgarasens tsîna. Nē xūn ǃoagu i ge ǂhanu-e a ǀkhai.

O ta ge nēsa ra mî: Gagab xa ǂgaeǂguihe hâse ûi, o du ge sorosi turaga ra ǂkhîǂkhî xūna dī tide.

Elob Gagab xa ǂgaeǂguihe hâse da ga ûio, a da Gagab ra ǂgaeǂgui da ǀgaub ai ûi re.

Xawe ǁnān hîa a Xristub Jesub din, ge ǁîn di sorosi turaga ge ǃgâu. ǁÎn ge dī ǂgaon gere ǂkhaba xūn tsî sorosi turagu âna ge ǀû.

Sao ra gu ge ǂhaisa ǂūsigu sorosi turab diga: ǀAib, ǃanuoǃnâsib, ǁgauoǃnâsib, ǁgôa-eloǃoabas, ǃgaidīb, ǁkhangub, ǁhaiǃāgub, tauxasib, ǁaixasib, ǂnoagub, ǁîǁâsens, ǀgoras, surib, āǀhorob, ǁgauoǃnâ ǃgâiǃgâisengu tsî nēn ǀkha ǀguiti-īn tsîna. ǀNai ta ge ǃkhâikhom du hâ i khami ta ge ra ǃkhâikhom du: Nē xūna ra dī khoen hoan ge Elob Gaosiba ǀumi tide.

ǃGâsado, ǃnorasasib ǃaroma du ge ge ǂgaihe. Xawe tā nē ǃnorasasiba ǁauxūdī, sadu di sorosi turagu ǃaroma. ǁNās ǃās ǃnâ, a da ǀnammi ǃnâ ǃoabagu.

Sorosi turab ge Gagab ra ǁkhore xūn ǃoagu hâ tsî Gagab ra ǁkhore xūn ge sorosi turab ǃoagu hâ xui-ao. Tsî gu ge mîǀguigu hîats ra ūga tātsēs tsîna nē ǃkhamsa xu ǃnorasa tama hâ.

Hoaraga ǂHanub ǀgui mîmās ǃnâ a ǃkhōǁaresa xui-ao: “Sa ǀgūkhoe-ets ge sats ǁkhāts khami nî ǀnam.”

A da tā koasen tamas ka io ǁîǃnābe ǂoeǂoegu tsî surigu.

Nēsi da ge ǃnorasasiba ūhâ, Xristub ge ǃnoraǃnora da xui-ao; ǁnā-amaga mâǀgai, î tā ǁkhawa ǂHanub di khobosis ǃnaka māǁnâsen.