Popular Bible Verses from Efeseǁîn 5

Share

ǁNā-amaga Elob ǀnamsa ǀgôadu ase ǁîb khami ī re. ǀNammi ǃnâ ûi, Xristub* ge sada ǀnam khami tsîb ge ǃgâi ǁamaba ūhâ ǁguibas Eloba ǃgâibas ase, sada ǃaroma ǁîb ûiba ge ǁguiba.

ǁNā-amaga ǂōrisase kōbasen mâ ǀgaus aits ra ûi ǃkhaisa. Tā gâre khoe-i khami ûi, xawe gā-ai-i khami. Mâ ǃēs hîa du ūhâs hoasa ǂhanuse sîsenū, nētsēkam ǁaeb a ǂkhaba xuige.

Tā ǂauxûib sadu hoaraga ûiba nî hîkākāb xa ǀhoro; xawe ǃAnu Gagab ǀkha ǀoaǀoahe hâse hâ. ǁÎǃnābe psalmdi, ǁnaetsanadi tsî gagasi amdi di mîdi ǀkha ǃhoa-ūgu; ǃKhūba sadu ǂgaogu ǃnâ ǁnaetsanadi tsî psalmdi tsîde koaǁnaeba. Hoa xūn ǃaroma hoaǁae Elob ǁGûba, ǃKhūb Jesub Xristub ǀons ǃnâ gangansa mā.

ǁNā-amaga tā gâre khoen khami tanisen, xawe ǃKhūb ra tare-e ǂgaoǀkhā du ǃkhaisa ǁnâuǃā.

Aogo, sago tarade ǀnam Xristub ge kerkheba ǀnam tsî ǁî-aitsama ǁîb ǃaroma ǁguibasen khami.

ǂGuro du ge ǃkhaenas khami ge ī i, xawe du go nēsi a ǃKhūb ôa kai, o du ge ǃnâb khami ǀgui ī.

Xristub di ǃgôasib ǃaroma ǃnaka hâbagu.

Taradi ge ǁîdi aoga ǃnaka nî hâba, ǃKhūba di ra hâba khami.

ǁNās ǁkhās xase, ab mâ aob hoaba ǁîb tarasa ǀnam, ǁîb ǂûb a ǀnamsen khami tsî as mâ taras hoasa ǁîs aoba ǃgôasiba ūhâba.

Xoas ra mî khami: “ǁNā-amagab ge khoeba ǁgûb tsî ǁgûs tsîra ǁnāxū tsî taras ǀkha nî ǃgaeǁarehe, o ra ge nî ǀgui soro.”

Tā xū-e harebe tama sîsengu ǃkhaenab digu khoen ra dīgu ǃnâ amǃnâxa, ǁnās ǃās ǃnâ ǁîna ǂhaiǂhai.