Popular Bible Verses from Ez 2

Share

Naq yo chi xyeeb'al a'in, li xwankil li Qaawa' ki'ok wik'in ut kinxwaklesi; ut kiwab'i naq kixye we: “At kaamel winq, laa'in tatintaqla rik'ineb' li ralal xk'ajol laj Israel, a'aneb' jun tenamit ink'a' neke'ab'ink ut xe'xq'etq'eti rib' chiwu. Eb' a'an ut eb' li xxe'toonil yuwa'eb' xe'jipo'k chiwu chalen toj anaqwan.

Taaye reheb' li waatin, a' yaal chik reheb' ma te'xpaab' malaj ink'a', xb'aan naq numtajenaq q'etq'eteb'. “At kaamel winq, ab'i chi us li k'aru ok we chi xyeeb'al aawe, ut maaq'etq'eti aawib' jo' li q'etq'etil tenamit a'an. Te laawe ut tzeka li tink'e aawe”, chan li Qaawa'.

Ut a' yaal reheb' ma tate'xpaab' malaj ink'a', xb'aan naq jwal q'etq'eteb', te'xnaw naq wank jun propeet sa' xyanqeb'.