Popular Bible Verses from Mat 5

Share

Wok hin'o chik iwun lechäkw, wet tek hip'o'pe, mat itonitphä yämthilek ihutunpe nilhokej wichi tä ihi lew'et. Wet amel is chik amälhyet iwoye täjtso, aka isi ihutunpe tä ihi tä wichi itayche, häpkhilek lhamel hiw'en m'ak tä is tä lewoyaye wet iwunit Ajchayay tä ihi pule.

“Amel ahäpehen wichi tä i'pe honhat laka isi. Hupuy tä i'pe chenaj tä atojphä, ihanhiyejt'a chik lhaiskat.

“Dios lakäpfwayaj tä is iyejen lhamel tä lehusey ts'ilak. Lhamel hiw'enla Dios.

“Dios lakäpfwayaj tä is iyejen lhamel tä hätet iwoyek ichimejen wet ichuyuhlä tä iwatlä m'ak tä Dios ihuminche. Dios yipsaynhiyejena m'ak tä iwatlätso.

Mat olham ofwen amhohen tä oyok, Humnhen atayhfwas wet alhyene Dios häp lhamel tä iti amejen laka'tshayaj.

–Dios lakäpfwayaj tä is iyejen lhamel tä ihanej ihi tä ts'ilak Dios lep'altsenyaj tä isej, wet yok, “Matche tä owatlä.” Lhamel häpehen t'at Leniyatyaj lewuhuy.

“Dios lakäpfwayaj tä is iyejen lhamel tä yenlhi iyhäj letamsek. Lham yohlak, Oles lhameltsi.

“Dios lakäpfwayaj tä is iyejen lhamel tä lefwitajayaj ihi. Dios ikäsyenlawethä lhamel.

“Dios lakäpfwayaj tä is iyejen lhamel tä wichi itiyej laka'tshayaj tä lhamel iwoye m'ak tä lham ihuminche. Lhamel häpehen t'at Leniyatyaj lewuhuy.

“Dios lakäpfwayaj tä is iyejen lhamel tä hip'altsenhen iyhäj. Dios hip'altsenhenla lhamel.

“Dios lakäpfwayaj tä is i'amejen chik wichi ailäkwethä tä lehänn'o, wet iti amejen laka'tshayaj lhäy'e lesufwkanyajay tä w'enhahiche. Wo akäjyaja, akäsyenwethä, tsi wujla awayhat tä ipuleye. Tsi mälhyej'attso profetas p'ante pajche, wichi itiyej p'ante laka'tshayaj.

“Dios lakäpfwayaj tä is iyejen lhamel tä lhayene iyhäj tä w'et m'ayhay t'at. Lhamel ikathiyeja honhat tä Dios ifwenho.

“Amel ahäpehen nisoy yämthilek nilhokej wichi tä i'pe honhat isej. Mat chik nisoy nem nosoy, ihanhiyejt'a lhaiwoyneje yämthilek yachajo tä nosoy. Oyok, nemhit is, õ'wom wet wichi t'äsche.

Wet häp tä oyok, Amälhtejwek ha'isyaj, mälhyej Ajchayay tä ipuleye imälhewek le'isyaj.

Mat ämet at chik häpe chik lhoyaykwe, Ey'a, is tä lhäm matche. Wok ämet chik lhoyaykwe, Kha, is chik häpe t'at tä lhok, Kha. Tsi m'ak chik lenuhatpe tähestso, tälhe ahättaj.

“Amel lelätache n'olhämet p'ante pajche tä yok, Wo haya, chik aelh ilanhi ate, wet lanhi aelh lete. Wok chik aelh ilanhi atsote, wet lanhi aelh letsote. Mat olham ofwen amhohen tä oyok, Yej wo hayahlä aelh chik iwoyej ame m'ak tä ni'isa. Chik y'aj hach'alo tä afwomkat, tumtejlä elh tä hats'amkat yämthilek äp y'aj.

“Tä mälhyejtso, chik atelho tä afwomkat tamen amej tä lechätho asukyaj, lanhi wet wom, häpkhilek nitmenayej mälhewek asan chik õ'thatho n'oteläythayaj tä t'un lew'et. Wet chik akwey tä afwomkat tamen amej tä lechätho asukyaj, iset wet wom, häpkhilek nitmenayej mälhewek asan chik õ'thatho n'oteläythayaj tä t'un lew'et.