1
1 Juan 3:18
Ch'orti': E ojroner xeʼ imbʼutz tuaʼ Cawinquirar Jesucristo
Pues nox xe' b'anox cocha nimaxtac, majax bueno tua' taca caware que war cayajta ut inte', sino que uc'ani tua' cachectes que erach que war ixto cayajta utob' cawermanuob' tamar lo que war cache tacarob'.
Compare
Explore 1 Juan 3:18
2
1 Juan 3:16
Pues chequer ticoit tuc'a uc'unersiaj e Dios tamar lo que cay uche e Jesucristo tamaron, porque jaxir ixin uyajc'u ub'a tua' achamesna tamaron. Y non ub'an uc'ani tua' caturb'a cab'a tua' catacre cawermanuob' motor este que caxin cawajc'u cab'a tua' cachamesna tamarob'.
Explore 1 Juan 3:16
3
1 Juan 3:1
Pues entonces b'ijnunic cob'a uyajta coit Catata Dios que ixin upejcon tua' caquetpa umaxtac, y b'anon. Y tamar era tin e turob' tara tor e rum machi war unatob' cocha turon porque machi war unatob' cocha turu e Dios ub'an.
Explore 1 Juan 3:1
4
1 Juan 3:8
Pero tin e war axana tama e mab'amb'anir war uche lo que uc'ani e diablo, porque e diablo warix uche e mab'amb'anir tama ucajyesnib'ir or e rum era. Pero tamar era tari Uyunen e Dios tara tor rum: Tua' utijres tunor lo que e diablo war uche.
Explore 1 Juan 3:8
5
1 Juan 3:9
Pues entonces tunor tin e c'otoy cuxpa otronyajr tama e Dios machi war axana tama e mab'amb'anir porque ayan ucuxtar e Dios tamar. Y tamar era machi ixto uyub'i axanob' tama e mab'amb'anir porque quetpob' umaxtacob' e Dios.
Explore 1 Juan 3:9
6
1 Juan 3:17
Y non xe' ayan tuc'a ayanon tara tor e rum, jay cawira inte' cawermano xe' matuc'a ayan tacar pero jay matuc'a cawajc'u tua' catacre, ma cocha erer caware que war cayajta ut e Dios.
Explore 1 Juan 3:17
7
1 Juan 3:24
Y tunor tin e war ac'upseyanob' tut lo que arob'nob' umen e Dios war aturuanob' tama e Dios y e Dios war aturuan tamarob'. Y tamar era erer canata que jaxir war aturuan tamaron porque ixin uyajc'on Unawalir.
Explore 1 Juan 3:24
8
1 Juan 3:10
Y tamar era erer inata chi umaxtac e Dios y chi umaxtac e diablo, porque tunor tin e machi uche lo que erach y nien machi uyajta ut uyet ajc'upesiajir, majax tua' e Dios.
Explore 1 Juan 3:10
9
1 Juan 3:11
Pues jax era e canseyaj lo que cay iyub'i tama ucajyesnib'ir tunor era: Que cayajtic cab'a inte' intion.
Explore 1 Juan 3:11
10
1 Juan 3:13
Pues entonces niwermanuox, ira iturb'a ib'a tamar e gente tara tor e rum jay axin uxejb'iob' iut.
Explore 1 Juan 3:13
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos