Popular Bible Verses from Romanos 9

Share

E uwari'che echiri' c'o caraj cuya ri Dios che juna ticawex, na e ta ruma lic cacha uc'u'x wa ticawex che o ruma lic cutij uk'ij cha' c'o cuc'ulu; ma e ruma ri c'axna'bal uc'u'x ri Dios.

Ma jewa' xubi'ij ri Dios che ri Moisés ojertan: We c'o junok cuaj Ri'in canto'o ruma ri rutzil nuc'u'x, e ri' ri canto'o. Y we c'o junok cuaj Ri'in canc'ut ri c'axna'bal nuc'u'x che, che ri' rire canc'ut wi ri c'axna'bal nuc'u'x xcha'.

Ec'u ri'in canc'ul uwach: «Achi, ¿sa' co rawach ri'at cha' catyajan chirij ri Dios? Ma na utz taj we ri xaro ulew cubi'ij che ri ca'anaw re: ¿Su'chac jewa' x'an la chwe?»

K'alaj c'u ri' ri Dios ruma ri c'axna'bal uc'u'x cuto' china ri caraj cuto'o. Yey we Rire caraj cu'an pacha' abaj che ri ranima' junok, jela' cu'an che.

E ri cachacun ruc' xok'o'l, ¿na jinta neba puk'ab cu'an ruc' ri xok'o'l sa' ri caraj cu'ano? Ma we Rire caraj che ri xok'o'l cu'an queb xun, jun lic xa k'alaj pa cachapabex wi y ri jun chic xa tob pa cachapabex wi, e cu'an ri'.