Popular Bible Verses from Santiago 2

Share

Jec'uri'la' ri cubulibal c'u'xaj, we na jinta c'utubal re, na jinta cutikoj.

Jun c'ambal na'oj puwi ri ximbi'ij e wa': E junok we na cuxlab ta chic, ri' caminak chic; jec'ula' ri' ri cubulibal c'u'xaj, we na jinta c'utubal re, e pacha' caminak chic.

Alak nu hermanos, ¿sa' cutikoj che junok we cubi'ij lic c'o cubulibal uc'u'x yey na jinta c'utubal re wa'? ¿Curik nawi ri colobetajic xew ruma cubi'ij c'o cubulibal uc'u'x?

Rilal lic cacoj la xa jun ri Dios c'olic, yey wa' lic katzij. Pero wa' na e ta que'elok c'o cubulibal c'u'x la ruc' ri Dios, ma e tak ne ri itzel uxlabixel caquicojo xa jun ri Dios c'olic y ruc' xi'in ib quebirbot chwach.

Laj c'o junok jewa' cubi'ij: «Rilal c'o cubulibal c'u'x la ruc' ri Dios; ec'u ri'in e canc'ut ri utz can'ano. ¿Carik nawi la cak'alajisaj la chinuwach ri'in ri cubulibal c'u'x la we na jinta c'utubal re? ¡Na carik ta la! No'j ri'in utz cank'alajisaj ri cubulibal nuc'u'x chiwach la ruc' tak ri can'ano.»

Ma e junok na cuc'ut ta ri relej uc'u'x chique ri jujun chic, jec'ula' cu'an ri Dios che rire, na cuc'ut ta ri relej uc'u'x che echiri' cuk'at tzij puwi'; no'j ri jun cuc'ut ri relej uc'u'x chique ri jujun chic, ri' quel pan chi utz che ronoje chupa ruk'ijol ri k'atbal tzij.

Lic c'u quil alak ri': Ri ticawex na cu'an ta jusuc' xew ruma cubi'ij c'o cubulibal uc'u'x ruc' ri Dios, ma ri lic chirajawaxic e cuc'ut wa' ruc' ri cu'ano.

Ruma c'u wa', quil alak wa': Ri cubulibal uc'u'x ri Abraham e xk'alajinic echiri' xucoj utzij ri Dios. Jec'ula', ri cubulibal uc'u'x xtz'akat uwach ruc' tak ri xu'ano.