Popular Bible Verses from Ikilisiati 11

Share

Núu tɔɔ-ŋa, ka lii-nɛ̃ɛ kula tãi kákaa niî la kánuu-tɔɔ kɔlɔi. M̀ɛnii kélee ka wɛ̂lii ka gɛ̂i ka gɛ́. Zãâi ka wɛ̂lii ká gáai, ka gáa. Kɛ́lɛ é kɛ́ kákili ŋá a gɛɛ Ɣâla a pâi núu kélee ŋɔmɛnii ŋá têei tɛi-tɛi.

Ka tée lii ŋwâna mɛni pôlu. Káfe ǹɛɛ naa mɛni da kɛ́ ƃò nɔ́ kálii su gɛ́ sòli kâa. Káfe pâi lɛɛ̂i a núu tɔ̂ɔ a zu kôyaa.

Kpâlaŋ-ŋa tii kɛ́-nuu ŋɛ́i à kɛ̀ nɔ́ ŋ̀elei su fãai ma, vé pâi wɔ́lɔ ŋɔsí-sãai sîi. Ŋ̀ɛ́i a kɛ̀ nɔ́ ŋ̀elei su a ɣele kélee va ŋɔsí-sãai m̀á kùla.

Núu da fé vãai tɛɛ-pere kɔ́lɔŋ kpaa máŋ berei núu-kpune maa mɛ̂ni a pîlaŋ la nɛnî mai. Bere sîi ŋí nɔ́ ƃé núu da fa târe la Ɣâla ŋɔtíi kɛ́-pere su nyii gáa a zɛŋ kélee kpɛtɛ-nuui.

Ka kási-sãa kao-ŋai sí a ɣele-wala da vólo ma láai, kpɛ́ni fêi, káfe gɔ́lɔŋ zí-sãa kaoi nênɛ ƃé pâi kpɛtɛ̂i a ǹɛ́lɛɛ.

Ka kákɔ̃liŋ-ŋa tɛɛ lɔii da kpɛ́ni-ŋa su kpɛ́ni fêi, káfe tãi kɔ́lɔŋ kɔ́ a pâi toôi la kálɔii sui.