Popular Bible Verses from Gn 39

Share

A Jehová ayoc yetok José, caw wal watx'c'al max yun yayji ec' bay yatut is patrón tu'.

Max cancan José yilomalok masanil, xan c'amxac'al tzet chi na' cham Potifar, asan tzet chi ak'lay lo' chi yila'. Caw wal tx'ijan yili nak José tu', caw wal watx' nak yin masanil.

Axa cham max aon oc José tu' yilomalok eb yet aj presoal, axa chi ilon tzet chi uj bay tu'.

Axa mitx'on cham José tu', cax max yalon cham tol chi octok nak yul preso, bay ayoctok juntzanxa eb nak aj preso yuj cham rey. Palta ayc'al oc Jehová yetok José, max tx'oxc'al is camc'ulal bay. Axa max yunej, caw wal watx' max eloc José tu' yul sat cham ilom preso.

Axca tu xin, max ec'c'al el janic' tiempoal, axa max yun xin, max yaon oc xal yistzil cham Potifar tu' sat yin nak José. Max yalon xal bay nak axca ti': —Matawal chi je' a c'ul chach way wetok, ẍi xal. Caw wal maj yal c'ul nak. Max yalon axca ti': —C'amak, ojtak ach ti' tol max quin yacan oc echamil yilomalok masanil is tzet yetal cayti'. Ilab c'amxa jabok tzet chi na' yuj masanil is tzet yetal yak'ban ayin ec'ok. C'am junokxa miman yikbej wintak bay na ti', a masanil tzet yetal ayoc yul in k'ab, asan en ach ti', c'am chi je' waon oc in k'ab, yujtol yetbi ach cham in patrón, ¿tom ok je' wunen yobtakil, cax chi wunen mimek mulej satak Dios? ẍi nak.

Ay jun c'ual max octok José yul na, yet chi watx'nej is mulnajil, yet c'am junokxa mac ayoctok yul na tu', palta asan xal ayoctok. A yet tu' max oc nic'an xal yin is k'util nak, max yalon xal axca ti': —Matawal chach way wetok, ẍi xal. Maxc'al yab nak axca tu', max tok'on el ba nak yul k'ab xal, cax max eq'uel lemnaj nak yina, axa is k'util nak, max cancan yul k'ab xal.