Popular Bible Verses from Eclesiastés 7

Share

Mi'n tak'a ambil tu'n ttzaj naj tk'oja, porque aju k'oj atzun in cybinchan xjal minti' cynabl.

Ka ba'n ta'ya, tzalajxa tu'n jlu; katzun mya ba'n ta'ya, tencuya ximal ti'j, tza'nx ju tzalajbil icx ju bis tu'n Dios in che tzaj, ex mlayx tz'el tnic' xjal ti'j aju ctzajel ti'j te tibajxi.

Mas ba'n ju bajsbil te jun ti'xti twitz ju ttzyetlen. Mas ba'n tu'n tten kpasens twitzju tu'n koc jawni kwitz.

Ax toc mi a'l jun xjal at twitz tx'otx' tz'aklxix wen in tbincha'n aju ba'n ex bajx binchan il.

Porque aju nabl in colin ti'j xjal, ax icx ju pwak in colin ti'j; pero mas ba'n ka at tnabl xjal, porque aju nabl in tk'o'n chwinklal.

Mas ba'n ka ma che yolin xjal ba'n ki'j twitz ju perjum tbanilxix. Mas ba'n ju k'ij oc kcyim twitz ju k'ij tej kul itz'j.

Mas ba'n tu'n t-xi kbi'n cawbil ke cyu'n ke xjal at cynabl, twitzju tu'n t-xi kbi'n cybitz ke xjal minti' cynabl.

Mas ba'n tu'n kxi' jatum in che ok' xjal ti'j jun cyimni, twitzju tu'n kxi' tuj jun nink'ij tja jun xjal, porque aju camic atzun bajsbil cye cycyakil xjal, ex akeju itz'xke ba'n tu'n cyximan ti'j.

Aju xjal at tnabl in ximan ti'j ju camic, atzunju xjal minti' tnabl o'cx in ximan ti'j tu'n t-xi' achil.