Popular Bible Verses from Nabe aj Tesaloniquib 5

Share

Chixquicot amak'el. Mitanaba' ri i ch'awem ruc' Dios. Ronojel chimaltioxij che ri Dios. Are c'u wa' ri cäraj ri Dios chiwe ri ix cojoninak che ri Crist Jesus.

Are ri Dios ri cäyo'w jamaril chixo'l, cuban tastalic tak winak chiwe pa ronojel, cuchajij ri iwuxlabal, ri i c'aslibal, xukuje' ri i cuerp rech mata c'u jun quetzelal che ri u petibal ri Kajaw Jesucrist. Ri Dios ri xixusiq'uij are jic, cubano jas ri cubij.

Chiwila' iwib chi ma ta c'o jun cutoj che jun chic etzelal che u q'uexel etzelal. Xane', are chichuk'ubej ri u banic ri utzil amak'el, jacha' ri quiban chixo'l ix je chibana' cuc' conojel.

Rumal ri', chicu'bisala' i c'u'x, chiyala' i chuk'ab, jas ri cätajin quibano.

Quixkabochi'j, kachalal, chi chiya' qui no'j ri man cäcaj taj quechacunic. Chicu'bisaj qui c'u'x ri cuban quieb qui c'u'x. Chebito' ri man c'o ta qui chuk'ab. Mäq'uistaj i c'u'x che qui to'ic conojel.

Man u chomam ta ri Dios chke chi cäpe ri royowal chkij, xane' chi cujcolotaj rumal ri Kajaw Jesucrist.

Iwonojel ix ralc'ual ri sakil, jas ri jun cäbin pa k'ij. Man uj ta re ri chak'ab, man uj ta re ri k'eku'm.