Popular Bible Verses from ᑭᔅᑫᓕᑖᑯᑖᑫᐎᓐ 6

Share

ᓂ ᑮ ᐃᑖᐱᓐ ᒫᑲ, ᒫᑎᑲ ᒫᑲ, ᐁ ᐙᐱᓀᐎᓯᑦ ᒥᔅᑕᑎᒻ: ᐊᓇ ᒫᑲ ᑳ ᑌᑕᐱᑐᑕᐙᑦ ᓂᐱᐎᓐ ᑮ ᐃᔑᓂᑳᑕᐤ, ᑮ ᐱᒥᐎᒉᐅᑯ ᒫᑲ ᒋᐸᐃᐊᔅᑭᓕᐤ᙮ ᑲᔥᑭᐅᐎᓂᓕᐤ ᒫᑲ ᑮ ᒥᓛᐗᒃ ᑭᒋ ᑎᐯᓕᑕᑭᒃ ᓀᐗᔭᒃ ᐃᓕᑯᒃ ᐊᔅᑭᓕᐤ, ᔑᒫᑲᓐ ᑭᒋ ᐅᒋ ᓂᐹᔨᐌᒋᒃ, ᓀᔥᑕ ᑲᐗᑲᑌᐎᓐ ᐅᒋ, ᓀᔥᑕ ᓂᐱᐎᓐ ᐅᒋ, ᓀᔥᑕ ᐊᐌᓯᓴ ᐅᒋ ᐊᔅᑮᒃ ᑳ ᐃᑖᓕᒋ᙮

ᓂ ᑮ ᐙᐸᑌᓐ ᒫᑲ, ᒫᑎᑲ ᒫᑲ, ᐁ ᐙᐱᔅᑭᓯᑦ ᒦᔅᑕᑎᒻ: ᐊᓇ ᒫᑲ ᑳ ᑌᑕᐱᑐᑕᐙᑦ ᑮ ᐅᒑᐱᐤ; ᑮ ᒥᓚᐤ ᓀᔥᑕ ᐅᑭᒪᐗᔅᑐᑎᓂᓕᐤ: ᑮ ᑭᑐᑌᐤ ᒫᑲ ᐁ ᔖᑯᒋᐃᐌᑦ ᓀᔥᑕ ᑭᒋ ᔖᑯᒋᐃᐌᑦ᙮

ᐃᔅᐱ ᒫᑲ ᑳ ᑭ ᐋᐸᐊᒃ ᓂᔮᓕᓐ ᐊᔅᑯᔅᑭᐗᓯᑲᓂᓕᐤ, ᓂ ᑮ ᐙᐸᒥᒪᐗ ᔑᐹ ᐸᑭᒋᑲᓈᐱᔅᑯᒃ ᐅᑦ ᐊᒑᑯᐙᐗ ᐊᓂᑭ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑭ ᐅᒋ ᓂᐸᐋᑲᓂᐎᒋᒃ, ᓀᔥᑕ ᐊᓂᒪ ᑎᐹᒋᒧᐎᓐ ᐅᒋ ᑳ ᑮ ᒥᒋᒥᓇᑭᒃ

ᑮ ᑌᐺᐗᒃ ᒫᑲ ᐁ ᑭᔗᐌᒋᒃ, ᐁ ᐃᑗᒋᒃ, ᑖᓀᓕᑯᒃ, ᐅ ᑌᐯᓕᒋᑫᔭᓐ, ᑳ ᐸᓓᑭᓯᔭᓐ ᓀᔥᑕ ᑳ ᑖᐺᐎᔭᓐ, ᓇᒪ ᓈ ᑮ ᑎᐹᔅᑯᓇᐗᒃ ᓀᔥᑕ ᑭᑦ ᐋᔅᑯᒋᐋᐗᒃ ᓂ ᒥᑯᒥᓈᓐ ᐅᒋ ᐊᓂᑭ ᑳ ᑕᔑᑫᒋᒃ ᐊᔅᑮᒃ? ᐙᐱᔅᑭ ᐊᑯᐅᓇ ᒫᑲ ᑮ ᒥᓛᐗᒃ ᒥᓯᐌ ᐁ ᐃᑕᓯᒋᒃ; ᑮ ᐃᑖᑲᓂᐎᐗᒃ ᒫᑲ ᐱᑕᒪ ᑭᒋ ᐋᓜᓯᒋᒃ, ᐃᓕᑯᒃ ᐊᓂᐃ ᐎᒋᐊᑑᔅᑫᓛᑲᓂᐗᐗ ᐊᓯᒋ, ᓀᔥᑕ ᐎᒋᔖᓂᐗᐗ ᑭᒋ ᓂᐹᐃᒥᒋ ᑖᐱᔅᑯᒡ ᐎᓚᐗᐤ ᑫᒋᐙᒃ, ᑭᒋ ᑎᐱᐸᓕᓕᒃ᙮

ᑮ ᐯᒋ ᐃᑐᑌᐤ ᒫᑲ ᑯᑕᒃ ᒥᔅᑕᑎᒻ ᐁ ᒥᑯᓯᑦ: ᑲᔥᑭᐅᐎᓂᓕᐤ ᒫᑲ ᑮ ᒥᓚᐤ ᐊᓇ ᑳ ᑌᑕᐱᑐᑕᐙᑦ, ᐊᔅᑮᒃ ᑭᒋ ᐅᒋ ᐅᑎᓇᒃ ᑳᔭᒣᓕᑕᒧᐎᓂᓕᐤ, ᓀᔥᑕ ᑭᒋ ᓂᐹᐃᑐᓈᓂᐗᒃ: ᑮ ᒥᓚᐤ ᒫᑲ ᑭᒋ ᔑᒫᑲᓂᓕᐤ᙮

ᐌᓴ ᐅ ᑭᒋ ᐋᑯᓚᐌᓯᐎᓂ ᑯᔑᑳᒻ ᐋᔕᔾ ᐅᑎᒋᐸᓕᓕᐤ; ᐊᐌᓇ ᒫᑲ ᑫ ᑲᔥᑭᑖᑦ ᑭᒋ ᓂᐸᐎᑦ?

ᓂ ᑮ ᐙᐸᑌᓐ ᒫᑲ ᐃᔅᐱ ᑳ ᑭ ᐋᐸᐊᒃ ᓂᑯᑣᔅ ᐊᔅᑯᔅᑭᐗᓯᑲᓂᓕᐤ, ᒫᑎᑲ, ᒫᑲ ᑮ ᑭᒋ ᑶᑾᓐ; ᐱᓯᒻ ᒫᑲ ᑖᐱᔅᑯᒡ ᒫᑲᑌᐎᐱᐌ ᓱᑫᑭᓐ ᑮ ᐊᑎ ᐃᔑᓈᑯᓯᐤ, ᓀᔥᑕ ᑖᐱᔅᑯᒡ ᒥᑯ ᑮ ᐊᑎ ᐃᔑᓈᑯᓯᐤ ᑎᐱᔅᑭᐱᓯᒻ; ᐊᒐᑯᔕᒃ ᒫᑲ ᑭᔑᑯᒃ ᑮ ᐸᑭᔑᓋᒃ ᒧᔅᑕᔅᑲᒥᒃ, ᑖᐱᔅᑯᒡ ᔓᒥᓈᑎᒃ ᑳ ᐃᔑ ᐸᑭᑎᑖᑦ ᐅ ᒥᓂᔕ ᐁᑳ ᑳ ᐊᑎᑌᓕᑭ, ᐃᔅᐱ ᐌᐌᐹᔑᑦ ᐁ ᓱᑭᓚᐌᓕᒃ

ᐃᔅᐱ ᒫᑲ ᑳ ᑭ ᐋᐸᐊᒃ ᓂᔅᑐ ᐊᑯᔅᑭᐗᓯᑲᓂᓕᐤ, ᓂ ᑮ ᐯᑕᐗᐤ ᐊᓇ ᓂᔅᑐ ᐅᐱᒫᑎᔅ ᐁ ᐃᑗᑦ, ᐯᒋ ᐙᐸᑕ᙮ ᓂ ᑮ ᑲᓇᐙᐸᑌᓐ ᒫᑲ, ᒫᑎᑲ ᒫᑲ ᐁ ᒪᑲᑌᐎᓯᑦ ᒥᔅᑕᑎᒻ; ᐊᓇ ᒫᑲ ᑳ ᑌᑕᐱᑐᑕᐙᑦ ᑮ ᑕᑯᓇᒻ ᐅᒋᒋᒃ ᓂᔓ ᑎᐹᐯᔅᑯᒋᑲᓇ᙮ ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᒣᑴᔭᔥ ᐊᓂᑭ ᓀᐤ ᐅᐱᒫᑎᓴᒃ ᐁ ᐃᑗᒪᑲᒃ, ᐯᔭᒃ ᒀᐸᐃᑲᓐ ᐸᑴᔑᑲᓂᒥᓇ ᒦᔅᑯᒡ ᐯᔭᒃ ᔔᓕᐊᐙᐱᔅᑯᔥ, ᓀᔥᑕ ᓂᔅᑐ ᑾᐸᐃᑲᓇ ᐙᐸᓘᒥᓇ ᒥᔅᑯᒡ ᐯᔭᒃ ᔔᓕᐊᐙᐱᔅᑯᔥ; ᐁᑳᐎᓚ ᓀᔥᑕ ᐋᑯᑕ ᒥᔅᑎᑯᐱᒥ ᓀᔥᑕ ᔓᒥᓈᐳ᙮

ᑭᔑᒃ ᒫᑲ ᑮ ᑭᑐᑌᐸᓕᐤ ᑖᐱᔅᑯᒡ ᑎᑎᐯᑭᓂᑲᓐ ᐃᔅᐱ ᒥᐋᒪᐎᑎᑎᐃᓂᑳᑌᑭ; ᓀᔥᑕ ᒥᓯᐌ ᑕᑐ ᐗᒋ ᓀᔥᑕ ᒥᓂᔅᑎᒃ ᑮ ᐋᔮᒋᐸᓕᑖᓂᐗᓐ ᐃᑕ ᑳ ᑮ ᐃᑕᔅᑌᑭ ᐅᒋ᙮ ᑭᒋᐅᑭᒪᐗᒃ ᒫᑲ ᐊᓐᑕ ᐊᔅᑮᒃ, ᓀᔥᑕ ᑭᒋ ᐃᓕᓕᐗᒃ, ᓀᔥᑕ ᒥᔕᑭᓯᐎᓕᓕᐗᒃ, ᓀᔥᑕ ᑭᒋ ᓇᑐᐸᓕᐎᑭᒪᐗᒃ, ᓀᔥᑕ ᓯᑳᔪᑎᓯᒋᒃ ᐃᓕᓕᐗᒃ, ᓀᔥᑕ ᒥᓯᐌ ᑕᑐ ᐊᐙᑲᓂᐎᓕᓕᐤ, ᓀᔥᑕ ᒥᓯᐌ ᑕᑐ ᑎᐯᓕᒥᑎᓱᐎᓕᓕᐤ, ᑮ ᑳᓱᐗᒃ ᐙᑎᒃ, ᓀᔥᑕ ᐁ ᑲᑭᔅᑖᐱᔅᑳᓕᒃ ᐗᒌᒃ