Popular Bible Verses from 2 TIMOTEO 1

Share

Porke wniizdet Dëdyuzh XEspíritu Ne lo be por ne ydxe be, sinke le Ne wniiz XEspíritu Ne chen gap be poder, chen gyanelsaa be, no chen tsuwen xgyeryen be.

Laa Dëdyuzh wselaa be lo dol no laa Ne nak ne wye be ne gak be xpén Ne. Nakdeto por ne nuu pe ne wen wlaa be, sinke le we nak por ne zenga wlaan Ne no le por ne tant wen Ne lo be yra be. Axtegue chene gardet gaa gyëzlyu, cheguel wen Ne lo be por Jesucrist.

Por neguin nak ne na noo lo de ne ydeedet de si luzh ne wseleedx Dëdyuzh lo de chene wxob nya noo xtoo de.

Por neguin ytuunden de ne yzëët de xdiiz Jesucrist, ni ytuunden de por noo ne nuu noo chegyiib por ne rzëët noo xdiiz Ne, sinke kon poder ne rseleedx Dëdyuzh lo de gugun wantar mase pe saktee de por ne rzëët de xdiznzoon Ne.

Por neguin nak ne kayak noo sufrir, per bet rtuunden noo, porke che nan noo gan txu lo rkalo noo no nanwen noo ne rap Ne poder ne gapkwent Ne ne wsan noo ledxnii ledxnyatee Ne axtegue ne ydxiin dxe.