Popular Bible Verses from UJWANISI 16

Share

Nginitjele izintwezi, khona nizakuba nokuthula kimi. Ephasinapha nizakuhlupheka, kodwana yibani nesibindi iphasi ngilahlulile!”

Kodwana kuzakuthi lokha uMoya weqiniso nasele afikile, uzanidosela kilo loke iqiniso ngombana akakazokukhuluma okungekwakhe, kodwana uzakukhuluma lokho akuzwako, anibikele nangalokho okuzako.

Kufikela njesi anikabawi ilitho ebizweni lami. Bawani nizakuphiwa khona kuzakuzala ithabo lenu.”

Kodwana nginitjela iqiniso nangithi kunilungele bonyana ngikhambe; nangingakhambiko, uMsizi angekhe eza kini. Kodwana nangikhambako, ngizamthumela kini. Begodu nakafikako yena, uzakwembulela iphasi mayelana nesono nokulunga nokugweba

Kunjalo-ke nangani: Kwanjesi nilisizi, kodwana ngizakubuye nginibone godu, ihliziywenu ithabe; nethabelo angekhe lathathwa mumuntu kini. “Mhlokho angekhe nabawa ilitho kimi. Kwamambala ngiqinisile ngithi kini: UBaba uzanipha nanyana yini enizayibawa ngebizo lami.

Kwamambala ngiqinisile ngithi kini: Nizakulila nibibitheke, kodwana iphasi lizakuthaba. Nina nizakuba lisizi kodwana isizi lenu lizakuphenduka ukuthaba.