Popular Bible Verses from 1 Juan 5

Share

Ỹátaqta sa ñ'aloxonqot ñi' Dios, qá'a qo'mi saỹátenaq da' 'uootaxa siỹáxanaqaaque ga' ỹiỹamaxaden jiñi'me, qaláxasa qo'mi demachiỹalo.

Qataxa da' qo'mi saỹátenaq ñi'me Dios demachíỹa da' qantamnaxac, nataq'en saỹátenaq da' sóxote qo'mi huet'oto ga' siỹáxanaqtaaque.

Qá'a da' qoỹauotec ñi' Dios, jeda'me náỹi da' qoỹalaxaguet jen'me lamaxasóxonaxacpi jiñi'me. Jen' lamaxasóxonaxacpi sa 'te da' desali. Qá'a ỹima jen' lec'óqo'tepi ñi' Dios, jen'me nemat jen' jaloicpi 'me huetalégue jen' 'aléua. Qataxa naqaida da' qadip'iỹáxac da' chiỹaqaỹi da' ñimataq jen' jaloicpi.

Jega'me ỹoqotéta'uo so' lec'óxot ñi' Dios, jega'me nataq'en huet'oto dójo' nec'alaxa, qaláxasa jega'me sa ỹoqteuó'o jeso'me, sa huo'ot dójo' nec'alaxa.

'Ami 'me 'au'amaqchíñii so' lec'óxot ñi' Dios, 'ami samaxalo jánjo' ỹide 'me sedelégue, da' qaidi 'auaỹáchiñii da' 'ami huet'oto da' nec'alaxa 'me qaỹa 'te loiquiaqa'.

Saỹátenaq da' jega'me 'ená'am qa'en da' ỹátaqta let'ása jiñi'me Dios, jega'me 'ená'te quet'ot da' ỹa'uo ga' loic. Qá'a so' lec'óxot ñi' Dios netelá'a jega'me, qana'chi so' paiỹac qadó'o sa ỹañoxot da' 'uo ga' 'éet'ec.