Popular Bible Verses from 1 Juan 3

Share

'Ami ỹalqolqa, dójo' qadesóxodic 'ena'to' qomle da' 'chi nedótreegue naua' qad'aqtaqa, na'chidato' qomle da' ỹátaqta 'eesa da' qadesóxodic, qaidi ỹátaqta qoỹilá'a da' 'uo ga' s'étaq.

Saỹátenaq da' 'éeta da' noqopi'chi, qá'a so' Jesucristo qo'mi ỹapaxaguenque ca'li ỹan da' l'óiỹaxac da' qo'mi ỹileualóo'te. Chan'eesa nataq'en qo'mi sanaxáỹi da' mai'chi qad'óiỹaxac da' ñañanaxalégue jen' qadaỹi.

Ỹa 'aulóichiỹi da' ỹátaqta let'ádaic da' loqopi'chi da' qo'mi ñi' qadet'a Dios da' qo'mi ỹimata'aque da' qo'mi lec'oqo'te jiñi'me, qataxa ỹátaqta 'eesa da' qo'mi lec'oqo'te. Chan'eesa sa qo'mi ỹaateto'n jen'me quétapegue' jen' janoicpi 'me huetalégue jen' 'aléua, qá'a sa ỹaateton ñi'me Dios.

Qaláxasa jega'me quet'ot da' ỹ'étet'ape naua' loico, jega'me quétapegue' jeso'me paiỹac qadó'o. Qá'a jeso'me chi'ena da' ỹátaqta 'itaxalóxoic joca'li ỹímta 'uo jen' 'aléua. Chan'eesa so' lec'óxot ñi' Dios janac da' qaidi noláxachiñi ỹima jen'me l'onatacpi jeso'me.

Qaláxasa jen'me lec'óqo'tepi ñi' Dios sa 'te da' 'uootaxa 'uo ga' quet'ot da' ỹ'étet'ape naua' loico, qá'a jega'me huet'ot da' n'óiỹaxac 'me ỹanem ñi' Dios. Qana'chi jega'me sa 'te quet'ot da' ỹ'étet'ape naua' loico, qá'a lec'óxot ñi' Dios.

Chan'eesa da' 'uo ga' 'oonolec da' qo'mi da' 'uo ỹima jen'me leuénecpi da' l'óiỹaxac, da' 'uootaxa ỹilót'a ga' laqáỹa, da' 'uootaxa 'uo da' leuénaxanaxa, qaa'le sa 'te da' ỹichoxoden jega'me, qana'chi ¿hua'ago' ga' 'éeta jega'me da' ỹauotec ñi' Dios?

Jen'me ỹalaxalégue jen' lamaxasóxonaxacpi, qana'chi ỹátaqta ỹoqotéta'uo jiñi'me, qataxa jiñi'me huet'aguet jen'me siỹaxadipi. Saỹátenaq jiñi'me qo'mi huetaavlo, qá'a so' lepaqal 'me qo'mi ỹanema, jeso'me qo'mi ỹaỹátenaxanaxa'n.

Huá'a, qana'chi qoỹaỹáten jega'me ỹátaqta 'eesa da' lec'óqo'tepi ñi' Dios qataxa jega'me lec'óqo'tepi so' paiỹac qadó'o, qá'a jega'me sa ỹí'et ga' 'ónaxaic, 'uootaxa sa ỹauotec ga' laqáỹa, qana'chi jega'me sa lalémaxaset ñi' Dios.

Qá'a jeda'me n'aqtaxanaxac 'me 'anaquiáxañiichiỹi joca'li ỹímta da' 'au'amaqténataxañii 'eet'oi: Ñi' 'oonolec da' qo'mi ỹátaqta ỹauotec ga' laqáỹa.

'Ami ỹaqáỹa', sa 'te qomle da' 'adouáli'ỹa qomle 'ami niquiỹa'alo jen'me quétapegue' jen' janoicpi 'me huetalégue jen' 'aléua.