Popular Bible Verses from 1 Petero 4

Share

Aitelekarit kere kodunyakis noi aminanara, naarai erapari amin adiakanareta nukepuak.

Kwape kedumunia ŋinituŋanan ainakinet, kijaanakis lucekus kaŋin, kwape ikeŋadak luejok luka asianut naka Edeke naka iponesio luipu

arai ejai yeninera, kwape yeninera akiro nuka Edeke; arai ejai yenijaanakini, kwape kanuka agogoŋ naekori Edeke; tetere itopolooritai Edeke kotoma kere kanuka Yesu Kristo. Aibuses ka ayait kojaas mamakeŋ ikar ka ikar. Amen

konye arai kisiriebio kanuka araut Ikristayot, kinyeis ileic airum, konye kitopoloor Edeke kokiror kaŋol.

Eapie awasia naka iboro kere; aso koomito kacoit, kinyeis da amer, tetere ilipenenete.

Luminan, siriwumokinete aitemio naka akim nakibunokinit yes, bala kidoik yes ibore yenikaumokin. Konye kiyalamasi naarai imorete aisiriebio naka Kristo, tetere naepukorere da akeibuses, iyalamas kailel naepol.

Kisukunyanakinete ipejok bonik ka bonik, komamei aŋuurian.

Kanuka ŋun kiswamata ejok ŋul luisiriebio kwape ejaar akot naka Edeke, kisiŋadata Ekasuban lomunot akeceijar.

Aso naarai Kristo aponi kisiriebai akuan, konapenenete yesi da lujiis luka aomisioit kaŋin, naarai yenisiriebio akuan enyek adiakar, tetere idaunete apaarasiakus nuideuna iriŋa ijaas toma akuan, mere bobo kanuka aiŋobel naka ituŋa, konye kanuka ŋun nuekot Edeke.

Arai kiimoromoroi kanuka ekiror loka Kristo, isirereŋitoi, naarai kidoik yes Emoyo loka aibuses, ka loka Edeke da.