Popular Bible Verses from Luk 3

Share

Si manga na imole 'oro ki kera babtaesi, tha Jisas ka babtaesi la'u bo'o. Ma si manga nia 'e fo'a, na lofothalo ka 'ifi, ma Ano'edoo Abu ka sifo mai faafi nia mala ta fa bola. Ma si linge'edoo fasia 'i thalo loo ka 'una 'eri, “'oe na kaluwane liiliothaua nau. Ku se'ethaathala 'asia na'a suli 'oe.”

Sui, tha Jon ka lu'uda ka 'una 'eri, “Nau ku baptaesim kamalu'a 'ana kafo, ma wane na kai fula mai na 'e ba'ita ka talu nau. Ma nau mena kwasi tala'ana lukelana sadolo nia ki. Ma nia kai baptaesim kamalu'a 'ana Ano'edoo Abu ma 'ana era.

Muka ilia doo ki na 'e faatania mulu manata oli na'a fasia abulata'alaa kamalu'a ki! Ma a'i musi manata 'una 'eri 'i laa na liomulu'a, ‘Kamali'a wane mili futa mai 'ana kwalafaa tha Abraham ki ne'e, 'e 'afeta'i ta kwaakwa'ea fasia tha God kai fulato'omali'a.’ Ku fa'arongo kamalu'a, 'e kwaiakura bana fana tha God kai ngalia fau ne'e ki, maka thaungania bana kwalafana tha Abraham fasida!

Na kiikila 'e ni na'a 'aena 'ai ki sui, na 'ai ki na a'i si fungu 'ana fo'edoo na 'e le'a ki, keki kasida ma keki 'uu 'anida 'i laa na era.”

'E 'uria si ba'ea ki 'i laa buka tha profet 'Aesaea 'e kedaa 'una 'eri, “Lingana te'e wane 'e 'ai 'i laa na fanua kwasi ka 'una 'eri, ‘kwaithathai 'ana tala ma'asia tha Lord! Muka kokotoa tala 'i fana! Muka fa'afungua kurua ki, ma muka demasia tolo ki ma fa ua ki. Muka 'olosia tala keeke'o ki, ma muka dolofia tala ki na 'e kwarula. Ma imole ki sui keki rikia na tha God kai fa'amaruki kera.’ ”