1
LUKA 6:38
Lacid Common Language Bible
Subi" ri lid: lid: zoo: byid: ge'- houg: su" nghoid lang" she- Mangsoo we' Nanu" ri lid lid zoo: doem byid: wa. Byeing" shoin: sho' main" da" tang: yo"- nanu" da" lo, moo doin: jheung: byid: boem wa. Khasu" wim gari Nanu" nyang: leig byid: da" tang mo doem leig byid: wa ga: tid.
Compare
Explore LUKA 6:38
2
LUKA 6:45
Gi su: gi ge da" ziyoo yo"- byeung" shoin: da" nheigloem: boin" khoug: mo ge da" ziri za: thoid shug se. Akhyeing" ashoeb su: gi akhyeing" ashoeb ziyo' byeung" jo, da" nheigloem: boin" khoug: mo age da" zi joem ri za: te: thoid shug se' nyid, ci: yoomo gari nheigloem: khoug: moo byeung" jo, da" ziri nhoid moo tid thu' ri" si' yoomo nghoid.
Explore LUKA 6:45
3
LUKA 6:35
Nanu" gi gyivoo yi ri jheddab ge' Jeju" koid: ge' daja: ja: khyalhang" doem yo" yu abe ein: amyid nyid loo:- jhid" byid: nghoo" byid: ge'. Houg: su" koid: nghoid rigi Nanu" gyi: thang da" jhungshug ri yo" yu wigi myhang: thang da" Mangso da" nya: zoo: yi nghoid boem wa. Hau: Aseing: gi jeju" ase' boin: mo, yo"- akhyeing" ashoeb mo, ri jeju" koid: nyid.
Explore LUKA 6:35
4
LUKA 6:36
Nanu" da" nya: phoo Mangsoo gi jheddab nheig se' khyeig yhangti"- nanu" we' jheddab nheig khyeig go" nyid ge'.
Explore LUKA 6:36
5
LUKA 6:37
Subi" ri joid tab yooboo afoin: goo"- houg: su" nghoid lang" Mangsoo gi nanu" ri joid atab yooboo afoin: loo: nyid wa. subi" ri gam vhoo: akhyo, goo"- houg: su" lang" she- Mangsoo gi nanu" ri gam vhoo: akhyoo loo: nyid wa zi nghoid. Subi" da" yooboo ri khyoid pyam byid: ge' houg: su" lang" she- Mangsoo gi nanu" da" yooboo ri kyoid pyam byid: wa.
Explore LUKA 6:37
6
LUKA 6:27-28
Nghoidloug we' nga" tarha" ri shaug" gyoo: mo, nanu" ri ngoo tid da" zigi nyang: nya: da" gyivoo ri jheddab ge'. Nanu" ri anoug: mo, ri jeju" koid: ge'. Nheing" mo, ri jheddab ge' Rui" mo, shid' re" akyu" mho' byid: ge'.
Explore LUKA 6:27-28
7
LUKA 6:31
Nang ri subi" zei: byid: zi vhoo: yhangti" subi" ri we' nang houg: su" zei: byid: we'.
Explore LUKA 6:31
8
LUKA 6:29-30
Nanu" da" boo yam dashoid moo pyug byid: su: ri thei: dashoid moo we' pyug nhang: shi" we'. Re" da" atho' byi: yu loo" su: ri akhoug: mo shid" goo byi: ri we' yu loo" nhang: shi" we'. Nang ri re" mho' mo dangain ri byid: we' re" da" zi lhoid yu loo" mo, jang" mo adoem mho' yu loo.
Explore LUKA 6:29-30
9
LUKA 6:43
Agam ge zigi ashi" age zi ayo" zei:- age da" agam gi ge da" ashi" ri ayo" zei:
Explore LUKA 6:43
10
LUKA 6:44
Ashi" ri myang lang" agam ri se'- Lafoem shi" ri shilhang" byab mo zabyid shi" ri zu: kyen: byab mo byu yi alhoung: shau" phyo' yu.
Explore LUKA 6:44
Home
Bible
Plans
Videos