Popular Bible Verses from GALATI 6

Share

Curuangah thil ṭha tuah hi ning hlah uhsi; ning lo teih kan ṭuan ahcun a caan a kim tikah rawl kan khawm ding a si.

Curuangah a remcaan tik poh-ah zo hnen khalah thil ṭha cu tuah uhsi. A hleice in zumnak lamih kan sungte hnenah tuah uhsi.

Pakhat le pakhat nan thilrit sawng aw uhla cuticun Khrih ih daan cu nan kimter ding.

Nangmah le nangmah bum aw hlah. Zokhal in Pathian an dekcok thei lo. Milai cun an tuhmi vek cekci in an khawm ding.

Tisa duhnakih a tuhtu cun thihnak a khawm ding; Thlarau duhnakih a tuhtu cun kumkhua nunnak a khawm ding.

Ka u le ka nau tla, nanmah lakah pakhatkhat in sualnak a tuah pang nan hmuh tikah nanmah sungih a thlaraumi deuh pawl in lamzin dikah hruai kir uh. Cuti nan tuah tikah thinneemnak thawn nan tuah pei. Cule nanmah lala khal cuih sualnak ih tla ve pang lo dingin ralring uh.

Mi pakhatkhat zianghman a si lem lo naón mi-ngai zetih a ruat awtu cu amah le amah a bum aw a si. Zozo khal nanmah ih ziaza cio parah thuṭhen aw ding nan si. A ṭha asile midang ih nun daan thawn tahṭhim awk ṭul rero loin nanmahte nan lung a hmui ding. Ziangahtile zokhal mahih thil ciar an phur fingfing ding a si.