Popular Bible Verses from 1 JOHAN 3

Share

Ka faale tla, kan duhdawt awknak cu ṭongkam le awka men si ding a si lo; duhdawtnak taktak cu ṭuannak ah a lang dingmi a si.

Duhdawtnak taktak ziang bangtuk a si ti kan theihnak cu hiti in a si: Khrih in kan hrangah a nunnak a pek. Cuvek thothoin kannih khal in kan nunnak cu kan unau pawl hrangah pe ve ding kan si.

Pathian kan Pa-ih in duhdawt zia hi ruathnik uh! In duhdawtnak a maksak ruangah Pathian faale tiih kawh kan si hi; cutiih in ti vekin kan si taktak. Curuangah a si hi khawvelih in theih lonak cu! Pathian khal a thei lo.

Zokhal sual a tuah ringringtu cu Satan ih ta a si, ziangahtile Satan cu a hramthok ihsin sual a tuahtu a si. Pathian Fapa a langnak cu Satan hnaṭuannak siatsuah ṭheh ding rori ahhin a si.

Pathian fa zokhal in sual a tuah rero nawn lo, ziangahtile Pathian nunzia kha thlaici bangin a sungah a um. Cule Pathian cu a Pa a si ruangah sual in a nung nawn lo.

Milian pakhat in a tlasam zetmi a unau a hmu naón a thinlung in ziang hmanah siar loin a umsan meen a si ahcun Pathian ka duhdawt tiah ziangtinso a ti thei ding?

Pathian thupekmi a thluntu pohpoh cu Pathian sungah a um ih Pathian khal a sungah a um ve. Cule Pathian ih in pekmi Thlarau ruangah Pathian cu kan sungah a um, ti kan thei.

Pathian faate le Satan faate an dan awknak bik cu hihi a si: a dikmi a tuah lotu le a unau a duhdaw lotu cu Pathian faate an si lo.

A hramthok ihsin nan rak theih ringringmi thuthang cu pakhat le pakhat duhdaw aw uh, ti a si.

Curuangah u le nau tla, khawvelmi in an lo huat asile nan mang bang hlah uh.