Popular Bible Verses from Mareka 11

Share

Ka baka leo, ke re ho lona: Tsohle tseo le di kopang, ha le rapela, le dumele hoba le di amohetse, mme le tla ba le tsona.

Kannete ke re ho lona: E mong le e mong ya ka reng ho thaba ena: Tloha, o itihele lewatleng; mme a ke ke a belaela pelong ya hae, a mpa a dumela hore tseo a di bolelang di tla etsahala; o tla fuoa seo a se buang.

Ha le eme le rapela, ha le ena le mang kapa mang, le mo tshwarele, hore le Ntata lona ya mahodimong a le tshwarele ditlolo tsa lona.

Jesu a araba, a re ho bona: Ebang le tumelo ho Modimo.

A ruta, a re ho bona: Na ha ho a ngolwa, ho thwe: Ntlo ya ka e tla bitswa ntlo ya thapelo ya ditjhaba tsohle? empa lona le e entse lehaha la mashodu.

Ba ba eteletseng pele le ba ba mo setseng morago ba goa ba re: “Hosana! Ho bokwe ya tlang ka lebitso la Morena.

Ho bokwe mmuso wa ntata rona Davida, o tlang ka lebitso la Morena: Hosana mahodimong!