Popular Bible Verses from Apocalipsis 6

Share

La jq'uel, ja' to laj quil te oy jcot ca', sacvayan sc'anal. Li boch'o scajlebinoje ja' Lajel sbi. Ja' te nabal batel yu'un li Yavil Animaetic sbie. I'ac'bat svu'el sventa ch-och ta sc'ob o'lol jvoc' li cristianoetic ta banamile, yu'un jech ac'o chamicuc ta espada, ta vi'nal, ta tsatsal chamel, xchi'uc ac'o lajicuc ta ti'el ta chonbolometic.

La jq'uel, ja' to laj quil te oy jcot saquil ca'. Li boch'o scajlebinoje yich'oj jun sflecha. I'ac'bat scorona, iloc' batel jech chac c'u cha'al li boch'o lec xu' yu'un tstsalvane, yu'un bat stsal scotol.

C'alal ituch' li yo'bal spac' vune, laj quil te oyic ta yolon scajleb smoton Dios xch'ulelic li boch'otic imilatic ta sventa sc'op Diose, xchi'uc ta sventa ti jamal laj yalic ti xch'unojique.

Tsots i'avanic, jech laj yalic: “Cajval, vo'ot ti tuc' avo'ntone, ti melel c'usi chavale, ¿baq'uin to chachapan, baq'uin to chapacbe sutel li boch'otic la smiluncutic ti te oyic ta banamile?”, xiic. Jech te i'ac'bat sac sc'u'ic, jech i'albatic: “Malaic to jutuc, ja' to me its'aqui ti c'u yepal chmilat achi'iltaquic ti chtunic cu'un jech chac c'u cha'al vo'oxuque”, x'utatic.

Te iloc' tal jcot tsajal ca'. Li boch'o scajlebinoje ja' ac'bil svu'el sventa ac'o socbe sjol cristianoetic li' ta banamil, yu'un jech ac'o lic smilan sbaic. I'ac'bat batel jun smuc'ta espada.

Yu'un ic'ot xa sc'ac'alil itsan li sc'ac'al yo'ntone, mu'yuc boch'o chcuch yu'un”, xiic.

C'alal te jq'ueloje, laj quil ituch' noxtoc li svaquibal spac' vune. Jech laj ca'ay ital tsots niquel. Li c'ac'ale i'ic'ub jech chac c'u cha'al ic'al poc' tslapic ta sventa me'nal. Li ue itsajub sbejlijil jech chac c'u cha'al ch'ich'. Li c'analetic ta vinajele ibajan yalel tal ta banamil jech chac c'u cha'al chlilij unin sat igo ta tsatsal ic'.

C'alal ituch' li yoxibal spac' vune, laj ca'ay ic'opoj li yoxibal c'usi cuxajtique, jech laj yal: “¡La'!”, xut. La jq'uel, ja' to laj quil te oy jcot ic'al ca'. Li boch'o scajlebinoje stsacoj ta sc'ob jun skilo. Laj ca'ay oy boch'o chc'opoj te ta o'lol li chanibique, jech laj yal: “Li stojol jun kilo trigoe ja' jech stojol chc'ot jech chac c'u cha'al jun c'ac'al tojolil. Yan li cebadae ja' oxib kilo xtoj ta jun c'ac'al tojolil. Yan li oliva xchi'uc ts'usube mu me xasoques”, xi.

Li vinajele la sbal sba batel jech chac c'u cha'al ta jbaltic vun. Scotol li vitsetique xchi'uc li bic'tal banamil cacajtic ta nabe iloc'an ta yavilic. Li ajvaliletic ta banamile, li jpasmantaletique, li jc'ulejetique, li banquilal soldadoetique, li boch'otic tsots xu' yu'unique, li mozoetique, xchi'uc li boch'otic muc ochemicuc ta mozoile, la snac' sbaic ta nailch'entic, xchi'uc ta japjap ch'entic ta vitsetic.