Popular Bible Verses from Salmos 143

Share

Chanubtasun ta spasel li c'usi tsc'an avo'ntone, yu'un vo'ot Diosot cu'un; ja' ac'o yic'un batel ta tuq'uil be li lequil jtojobtasel avu'une.

Ac'bun ca'ay ta jujun sob c'u x'elan li c'uxubinel avu'une, yu'un jpatoj co'nton o ta atojol; ac'bun jna' lec bu beal xu' chixanov batel, yu'un cac'oj o co'nton ta atojol.

Muc'ul Dios, coltaun me ta sventa li cajcontrataque, yu'un vo'ot no'ox ta atojol ta jsa' li coltaele.

Muc'ul Dios, vo'ot no'ox ta aventa ac'o cuxuc lec banamil chca'ay; loq'uesun ta sventa li jvocole, yu'un toj tuc' avo'nton.

Muc'ul Dios, a'ibun li jc'ope; tuc'ulanbun li ca'yeje. Tac'bun me li jc'ope yu'un vo'ot tuc' avo'nton; mu xana' xajel avo'nton.

Muc'ul Dios, tac'bun ta ora no'ox li jc'ope, yu'un ch-alub xa li co'ntone. Mu me xanac' asat ta jtojol; mu me xic'ot jech chac c'u cha'al li boch'otic chich'ic xa muquele.

Ta to jna' ti c'u xi'elan ta vo'onee; ta jnopilan scotol c'u x'elan li avabtel apasoje.