Popular Bible Verses from Proverbios 10

Share

Li bendición yu'un Muc'ul Diose ja' jc'ulejaltic chc'ot; mu jta jvocoltic yu'un.

Li boch'o toj ep chlo'ilaje ep tsta smul; yan li boch'o tspajes yee ja' bij.

Li c'ac'al o'ntonale ta xlic c'op yu'un; yan li c'anvaneje chch'ayes ta co'ntontic li c'usi chopol chc'ot ta pasele.

Li boch'o mu x'abteje me'on no'ox; li boch'o lec x'abteje lec jc'ulej.

Li boch'o chch'un chanubtasele ja' chanov batel ta sbelal cuxlejal; yan li boch'o mu sc'an chanubtasele ch'ayem ta be.

Li boch'o stamoj batel tuq'uil bee jun no'ox yo'nton; yan li boch'o yan be stamoj batele ta soc o sc'oplal.

Li yich'el ta muc' Muc'ul Diose ja' chijcuxi yu'un; yan li boch'o chopole ta xtuch' no'ox yorail.

Li Muc'ul Diose mu xac' lajuc ta vi'nal li boch'otic tuc' yo'ntonique; yan li boch'otic chopol yo'ntonique mu xac' nojuc xch'utic.

Li boch'o chopole ja' jech chch'ay batel jech chac c'u cha'al li c'usi chcuch batel sutub iq'ue; yan li boch'o tuc' yo'ntone te oy o sbatel osil.