Popular Bible Verses from Matiyu 5

Share

Koŋ lanpaŋ cu-a, ŋi i kulu cibi ǹʼsun kì, nka ǹʼyɔ sɔɔ-ra finŋ bɛɛ sun cuunŋ, nwɔma ŋì i sarinŋ po fu ki ciiru tɔnŋ kiri bataa tɛ. Ábɛɛ sarinŋ ki po konaŋ kiri ɲaanna mìŋ ɲaan tenŋ ki tɛ, nwɔma kí i ábɛɛ mabi shɔɔrinŋ kiri ja, kí i ábɛɛ Tiŋ ki tɔ shɔɔrinŋ bi, ninwɔ̀ i kirinpɔli ki ra. »

Ábɛɛ kiri i juniɲa ki wɔ manisarinŋ ki i. Kili wɔ̀ sɔɔ-ɔ tɔnŋ ŋununu, niŋ i so-a nadu-i kì.

Nwɔ̀ri ciiru fɔɔ-ɔ, nini wɔ shɔ-i, sabu nini a Kirinŋ ja.

Telibi ki tɔ i koŋ wɔ̀ri ru, miŋ tu bɛɛ fa jumwunu i koŋ pa-a ɲaan wɔ̀ tɛ, nini wɔ shɔ-i, sabu kí a ŋununfɛshi kila.

Nka míŋ a ǹʼbi ábɛɛ tɛ, ńʼtu á á ɲa kiri bidi á tɛ, á i Kirinŋ nafɛ-ri á cɔɔritɔnŋ kiri tɛ.

« Koŋ wɔ̀ri ǹʼtɔ-i tu so dantenŋ arìbɛɛ gbɛ Kirinŋ kɔɔtɛ kì, nini wɔ ki shɔ-i, sabu kirinpɔlila Masabi ki i kɔ́ɔ́.

Nwɔ̀ri i ɲaanfɛfili de-a konaŋ kiri faninmwuŋ, nini wɔ shɔ-i, sabu kí a na dɔri tu Kirinŋ daŋ ni.

Koŋ wɔ̀ri i ŋuntan-a, nini wɔ shɔ-i, sabu Kirinŋ a kí siratu.

Kí i nwɔ̀ri cɔɔri-ra ǹʼkɔri ki i ji tu kí Kirinŋ dintɛ bi ma-a, nini wɔ shɔ-i, sabu kirinpɔlila Masabi ki i kɔ́ɔ́.

Nwɔ̀ri i koŋ tɔri kiri sunmakwulupa-a, nini wɔ shɔ-i, sabu Kirinŋ a na kí sunmakwulupa.

A kí ji ábɛɛ ki-a, kí i á cɔɔri-ri, kí i bijɛ kwuru ki bataa puru ye-ri á wu míŋ tɔ ki bira, niŋ waari ru, ábɔɔ shɔ-i. Á á yoori á i á ciirudi, sabu sali sinaŋ i ábɛɛ gbɛ kirinpɔli ki ra. Á bili ǹʼna tu cintɔnŋ wɔ̀ri de-i ábɛɛ jɛŋ, tu kí nini cɔɔri mìŋ ɲaan ki tɛ. »

Koŋ wɔ̀ri tɔnsunfili-i, nini wɔ shɔ-i, sabu Kirinŋ a pwɔkulinŋ ki wɔri kí tɛ kani.

Yesu tu awɔ kalindaŋ kiri tɛ sɛbɛ : « Ábɛɛ kiri i juniɲa ki wɔ wɛɛlufinŋ ki i. A wɛɛlufinŋ ki nɛŋ ki po san ǹʼnu, nfɛnŋ so-a nɛŋ de-i ǹʼnu sɛbɛ? Ŋì finŋ tɔri shɔ-a kili kì, kí i ǹʼkee-ra taanna, kpeeri i ǹʼnushɛ shɛ de-ri arì kanŋ fɛ.

Á ji koŋ nafaamaan ni i, miŋ tu ábɛɛ Tiŋ Kirinŋ wɔ̀ i kirinpɔli ki ra niŋ nafaa ɲaan wɔ̀ tɛ. »

A ábɛɛ ji-a wulubi, áwɔ aawe ki ji aawe e, áwɔ aawoo ki i ji aawoo o. A ǹʼtɔri bo niŋ sun, niŋ po-i shitaanni nu. »

« Ábɛɛ ǹʼnama-i tu ǹʼbi tu : ‹ Ɲaninaŋ shɛ i san-a ɲaninaŋ na, ɲiinnaŋ shɛ i san-ni ɲiinnaŋ na.  › Míŋ a ǹʼbi ábɛɛ tɛ ńʼtu, á fa áwɔ shɛsan bijɛmatɔnŋ ki wu kì. Nka, a koŋ gbɛta bo miŋ cufɛ kɛlinŋ tenŋ ki tɛ, kɛlinŋ ka ki rapwulu ntiŋ tɛ.

Niŋ na, a miŋ pantɛ ɲaninaŋ ki ji-a ji sababu ŋì i miŋ bo bijɛ ki ru, ǹʼpo kee, ŋi i bɔni nʼfiri ki mani ki bɛɛ tenŋ nu, niŋ pari-i nʼfiri ki kwuturu ki kee bo wu jaanama ki ru. A miŋ panŋ gbɛ ki ji-a ji sababu ŋì i miŋ bo bijɛ ki ru, ǹʼkwuru, ŋi i ǹʼkee mani narimaŋ nu, sabu ŋi i bɔni nʼfiri ki mani ki bɛɛ tenŋ nu, niŋ pari-i nʼfiri ki kwuturu ki kee bo wu jaanama ki ru. »