Popular Bible Verses from LYI 8

Share

YHENSAIN, nah Mangso nvng lyis dis los das yomsoq dyei zis nghuot yvlyis soh aq. Nyang haih zis kuot zis gas, nah phauh thyeih moq yah toh dah thanghchvp lyis khvnyhik jweh shoq wontang tyink las nghuot.

Nyang namoq lyis zos yuot nhang thang lhyi nvng eq nah phauh thyeih moq khanhamp eq ma zo ku dah zonoms mana gvmtsoh. Nyang haih zis kuot zis gas namoq gas ohlhyoq yah kyingh yoh dwis nyeis zis ma nghuot, YHENSAIN nhuot masyah thuq dah dang khonh khanghmuh yah yoh dwis nyeis cho nvng lyis jyauh.

YHENSAIN, nah Mangso ka nyang tyingtoh dang lyis nvng chank mes ma chank mes zis yoh seq das xiklyis, nvng lyis yau cho dyei las shi yoeuh zis yah haih mhanhdyvp cho xing chank nyeici zvn gonh khasoeh shwih los yvlyis soh aq.

Housoeh nvng gas, Haih zisyos gas ngah yomsoq, ngvnyang yom yah kuot las yoh los oen khanhamp eq ma gis nghamh.

YHENSAIN, nah Mangso lhyi ma tohnyhik das yvlyis zaih aq. Khvnyhik ngos namoq lyis dyei toh dah nyah lyi ma chank vkuot.

Nyhiphoq gas lo jens lyis jyauh mhoq teh YHENSAIN, nah Mangso nvng lyis joeng las soq dyei yvlyis soh aq.

Nvng zo mes zis dvnganh yoh das las YHENSAIN, nah Mangso nvng lyis mau gis dyei gvng mas nyang lyis jyehjuh chungh das.

Housoeh las YHENSAIN nvng lyis tying toh khyvlyis kuot aq. Nyah lyi yah dvyhangteh kang dwis las nyah domsyos gyo aq.

Hauh mhanhdyvp mas nyang namoq dah phauh thyeih moq khanhamp eq ma zo ku dah zonoms mana namoq lyis gvmtsoh. Nyang namoq mas yau cho dyei las kyink, housoeh thang thank lyis nvng lyis gis zis yah shvmanh dyei.

Nvng zo mes zis dvnganh yoh, lungh das yhen gis xauh tsuk uhlyis, nah noeu phung, yvng phung, nah ngwis xing, gohtoeu nvng sain zis dvnganh je los uhlyis, nvng khwank las, nvng jons duot nyeis Egutu masyah nvng lyis khyuot shwih los dah YHENSAIN, nah Mangso lhyi ma tohnyhik das zis zaih aq.

YHENSAIN, nah Mangso nvng lyis nyeis coeu bos dah mau mas shwih los: houka jeislvng, jeisthuq dwang, nyeis khau mhayah langhkhau mha jing mas yaus thuq los dah jeislo lvng tsain bos. Hauh mau mas sunghso, bali, zvbiq, maiphang, tvleh, tsanlun coeu yahge dyoyhei thuq. Nvng houmha khanhamp eq ma yuot, chah oen zis ma bos. Houmha dah lukkhyung mha thyeq bos, jing mas thunk bos.

Khvnyhik ngos namoq lyis dyei dah lyi lomluk luk chank geh, housoeh lyis namoq kang dwis las jebais los zis yah YHENSAIN namoq dah phauh thyeih moq lyis dangthoengh toh dah mau lyis xauh sain das.

Hai nyeici zvn gyo lyis nah dyimis ma tyang, nah khyei eq ma yam.

Nyang gas nvng lyis duk bos lhangnyis, gungsgauh nyeis dah gyukphoh mhanhdyvp zainsmuh chank shwih los. Hau kyuk las jeis ma joq dah mau mas luk masyah namoq xiklyis jeis yaus thuq los nhang.