Popular Bible Verses from AAROMA 3

Share

Oshoka aantu ayehe oya yona, kaye na oonkondo dhoku ya hupitha. Ihe molwomagano gesilohenda lye Kalunga ote ya ningi aayuuki, oshoka Jesus Kristus okwe ya kulila.

Kalunga ota ningi aantu aayuuki, sho yi itaala Jesus Kristus. Oye ote shi ningile aantu ayehe mboka yi itaala pwaa na eyooloko.

Kalunga okwa gandja Jesus, opo mokusa kwe a ninge iikulila, moka aantu mboka ye mu itaala, taa dhiminwa po oondjo dhawo. Kalunga okwe mu gandja, opo a ulike, nkene ta ningi aantu aayuuki koshipala she. Nale Kalunga okwa li i idhidhimikile nokwe etha oondjo dhaantu, inee ya geela omolwadho. Ngashingeyi Kalunga ota holola kutya oye oku li mondjila, sho ta ningi omuntu kehe ngoka i itaala Jesus, omuyuuki koshipala she.

Oshoka kaku na nando omuntu ta ningi omuyuuki koshipala shaKalunga, sho a gwanitha shoka tashi pulwa kompango; oshoka ompango oyi lile po okutseyithila omuntu kutya oye omulunde.

Ongaashi kwa nyolwa taku tiwa: “Kaku na nande omuntu gumwe omuyuuki. Kaku na nando ogumwe u uvite ko, kaku na nando ogumwe ta kongo Kalunga. Aantu ayehe oye etha Kalunga. Ayehe oya puka. Kaku na nando ogumwegumwe ta longo uuwanawa.

Ano otatu ti kutya omuntu ota ningi owala omuyuuki koshipala shaKalunga, sho i itaala, ihe hamolwaasho ta gwanitha shoka tashi pulwa kompango.

Itashi vulika! Kalunga oye omunashili, nonando omuntu kehe oye omufundja. Ngaashi enyolo tali ti: “Ngele to popi, aluhe ou li mondjila. Ngele to tamanekwa, ongoye to sindana.”