Popular Bible Verses from 1 PETER MASA 5

Share

Pasian in note hong kem ahih manin na lungkhamnate khempeuh uh ama kiang tunpih un.

Tawlkhat na thuak khit uh ciangin, Khrih tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl ding a, kipna, thahatna, bulkip kician hong pia ding hi.

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi. Leitungah thu um dang khempeuh in zong note’ thuak mah bangin a thuak ahihna thu thei unla, na upna uhah kipin Dawimangpa na nial un.

Pasian in ama hoihsak hun ciangin note hong laptoh theih nadingin a thahat Pasian’ khutnuai-ah kiniamkhiatin na om un.

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.