Popular Bible Verses from MALACHI 3

Share

Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi MPEU no pi.

I no nongu züqhushi külhüve chekeu pithe lomipi nani, tishikeu vecheo tino nongu yeghi lo axathiqo kütsavemo nani, eno alu lo nongu tsaiboqo ye pithi ixivemo nani, aqokitikhi MPEU no pi. Tishino shiye kümtsü no angukiviu ipi nongu ku nani, kughengu nongu ye alokiqipu ghüna-a shi nani, aqokitikhi MPEU no pi.

“I no kughou panongu pesü Iw akughupu mheghi shiluveni keno tipau tsala lono panongu ye Iw shive nani, aqokitikhi MPEU no pi, eno apu lakhino anu khuu pa qe cheni keno pa kimiye ketoi I no panoqo kimiye nani. Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

“Julo, I no I tsapeu puwu ani, eno pa no I züuno alaghi kuto nani. AMPEU nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi MPEU no pi.