Popular Bible Verses from Matè̌ 2

Share

Dě asî nṳ̌ dǒ hǐkû dě nṳ̌kè̌shǐ phijǎphû̌ ô̌kû̌ amǒ̤ Mǒ̤ma̤rǐ. Asî dô̌gînî̤ û̌lò̤ cubucabahtò̌ lû̌û. Htodě a bǔmô phî̌htò̌ lô̌khô hta kû̌ ta̤numû̌mǔ dǒ kòyò kaǎ kû̌ Li̤banû (Lò̤ba) kû̌ ta̤khû̌ numû̌ dǒ kòyò kaǎ kû̌ Mǔra dǒ ta̤lě̤dû̌pwî̤htû nutokhlǒ dě a ǐ kû̌ phijǎ sû.

Yeshǔ ô̌phijǎlò̤ dǒ Wî̤̌bè̌telehe, Yǔdagǎ akû, bǎ Khwǐherû pǒshipǒgǎ akhanu. Yeshǔ ô̌phijǎlò̤ htodě pwa̤sî̌jò̌phû̌ Dǒ gǎ lṳmṳ̌htò̌ tokhlǒ hè dǒ Wî̤̌yarǔshôle dě hègwè̌ khwǐ kû̌, “Phijǎphû̌ dǒ a glè̌ htûhtò̌ Yǔda akhwǐ tôpwa̤ numî̌ a ô̌phijǎlò̤ tôbǎtè tûkû? Ma̤titèhî̌dě pa kè̌shǐ a shǎ ô̌lîhtò̌lṳ̌ dǒ gǎ lṳmṳ̌htò̌ tôkhô dě pa glè̌ hè cubucabahtò̌ yǎ.”

Bǎ asî kè̌shǐ shǎnutômè akhanu, asî sǎlě̤sǎlò̤ jî̌jî̌.

Dě Cǒmara dǐsè̌rè̌ pwa̤sî̌jò̌phû̌ tokhlǒ dǒ a ta̤hǎmimò̤̌ akû kû̌ asî gǔ getô pe dǒ Khwǐherû a ô̌ tô̤̌. Dě asî gekhô̌kè klè̌ dǒ ashǔshawa̤ tôbô dǒ asîgǎ. Bǎ pwa̤sî̌jò̌phû̌ tokhlǒ gehtonu, Cǒmara a mǒkhû̌ tanaphû̌ tôpwa̤ hèô̌lṳ̌htò̌ bǎ Phayṳ̂tǎ dǒ a ta̤hǎmimò̤̌ akû dě a hî̌ lû̌û kû̌, “Ihtǒmò̌! dě kaǎnṳ̌ phijǎphû̌ kû̌ amǒ̤nu dě hǎhtò̌cû̌khlè̌kè mò̌ dǒ Ijî̌gǎnu. He kè̌ shôbǐǐ na tocǒ꤮ tô̤̌ kè̌hî̌dě tûlû̌ ô̌ lô̌khô bǎnu nî̌꤮, ma̤titè̌hî̌dě Khwǐherû glè̌ no kè̌lǎ ma̤si akliphû̌ tokhlǒ kû̌ phijǎphû̌ nutôpwa̤ pě.”