Popular Bible Verses from Mark 14

Share

Kigwan to i “Awa, Awa, mebedin a a-magen moy emiin. Pangaasim, enog i intolok a da-kaman ko ja diga-digat a onmothok cha si-kak. Nem sema metongpal koma, nat sema piyan ko, no diket seta piyan mo.”

Enog i jo-gwek, no diket pankararag kayo say nat ma-gwak kayo no meparas i pamati yo. Tep piyan jo met laeng a a-magen i kosto, nem ekapsot i angel jo.”

Sejay a konen kod si-kayo, podnon angken ton dogad cha dobong i kaykaskasabaan niwa mapteng a chamag, maychemag pay i inpasing ton kaynemnemneman to.”

Et kigwan to wed si-kara i “Epaladoy engos ko. Singen metiyak. Chiyay kayo tan enog i jo-kow.”

Idi mankakakan pay ira, engales Jesus na tinapay a iyansalamat cha Afo Chiyos. Et piyetpet-ing to wa, et in-i-kan tod disipolos ton kigwan to wa i “Ala jo jay. Sejay i angel ko.”

Engala pay na tasen iyansalamat cha Afo Chiyos. In-i-kan to ired ma disipolos et enginom iren emiin. Et kigwan Jesus i “Sejay i chalak a mengipaneknek na badon tolagan Afo Chiyos. On-ayos no metiyak para cha chakel a too.

Et kigwan men Jesus cha disipolos to i “Onbetik kayo len emiin et ipayas joak tep iyaysolat a kigwan Afo Chiyos i ‘Ipabonok i naiyanbantay na kalniro et mesida-sidak ira ma kalniro.’

Bangon kayo tep aja ali ma menraidorak. Emoy ira, maaspol.”

Et kigwan Jesus i “Sejay a konen kod si-kam, Peter, podnon niman a dagwi no aneng memidgwen onkakaok i manok, memintedo ken mengowan i eg moak amta.”