Popular Bible Verses from Евангелле паводле Мацвея Раздзел 24

Share

І ад таго, што памножыцца беззаконне, астыне любоў у многіх. Але хто вытрывае да канца, той будзе збаўлены.

І будзе прапаведавацца гэтае Евангелле Валадарства па ўсім свеце на сведчанне ўсім народам; і тады прыйдзе канец.

Пачуеце вы пра войны і чуткі пра войны; глядзіце, каб не напалохаліся, бо так належыць быць, але гэта яшчэ не канец.

Падымецца народ на народ і царства на царства, і будуць голад, моры і месцамі землятрусы. Гэта ўсё – пачатак родавых боляў.

Неба і зямля сыдуць, але слова Маё не праміне.

Бо многія прыйдуць у імя Маё, кажучы: “Я – Хрыстос”, і многіх звядуць.

Тады будуць выдаваць вас на пакуты і забіваць вас будуць, ды будзеце вы зненавіджаны ўсімі народамі за імя Маё. І тады многія згоршацца, і будуць выдаваць адзін аднаго, і будуць ненавідзець адзін аднаго, і паўстануць многія фальшывыя прарокі і будуць зводзіць многіх.

І, адказваючы, Ісус сказаў ім: «Глядзіце, каб хто вас не звёў.

Таму і вы будзьце гатовы, бо ў гадзіну, якой вы не ведаеце, Сын Чалавечы прыйдзе.

Дык чувайце, бо не ведаеце, у які час прыйдзе Госпад ваш.

Што да дня таго і хвіліны, ніхто не ведае, – ані анёлы нябесныя, – толькі Айцец адзін.

Паўстануць бо фальшывыя хрысты і фальшывыя прарокі і прадставяць вялікія знакі і цуды, – так, каб у зман увесці, калі гэта магчыма, нават абраных.

І як у дні Ноя, так будзе і прышэсце Сына Чалавечага. Бо як у той час перад патопам елі і пілі, жаніліся і замуж аддавалі, аж да таго дня, калі Ной увайшоў у каўчэг, і не зразумелі, аж пакуль не прыйшоў патоп і не знішчыў усіх, так будзе і ў прышэсце Сына Чалавечага.