Popular Bible Verses from Deuteronomio 7

Share

Ja' yu'un na'aic me ta lec te bit'il te Cajwaltic te Dios cu'untic ja' mero Dios stuquel. Jun yo'tan ya yac' c'otuc ta pasel ta stojol ta cajalcaj sts'umbal te mach'a ay trato chapal yu'un soque, ja'ic te mach'atic c'ux ya yaiy ta yo'tanic, soc te ya xch'uunic spasel bael te mandaliletic yu'une.

Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.

Te Cajwaltic la sloq'uesex tel ta sq'uinal Egipto te banti ayex ta mozoile. Ta swenta smuc'ul yip yu'el la scoltayex loq'uel tel ta sc'ab faraón ta swenta nax te c'uxex ta yo'tan, soc jich la yac' c'otuc ta pasel a te bila chapal yu'un soc te antiguo jme'-jtatique.

“Ja' nix te Cajwaltic te la smulanex soc te la stsaexe, ma me yu'unuc ja'ex muq'uex yu'un te yantic nacionetique, ja'ex mero ch'inex ta stojolic ta spisilic ta mero melel.

Te ja'exe, mero bayal bendición ya yac'beyex, ma me pajaluquex soc te yantic lumetique. Ma me ayuc jtuluc ants ta awolilic te ma x'alaje, soc ma me ayuc jtuluc winic te ma xnich'naje. Te chambalametic awu'unic spisil me ya x'alajic, ma me ayuc sme' ni stat te ma xyac' yale.