Popular Bible Verses from HEBREOS 12

Share

Sane naukiche, axoñɨ aboma auna uyaxɨpeku sɨrɨmanama axɨbama ityusiankatama ñakokonaunkuxɨma, sane naukiche uiñokoniona nanaiña axɨba uiche chichebopɨ nauki uikokoroti Tupax. Tyopiki axɨna nosɨboriki tyone takana barukux, tapɨ axɨna nomɨnantɨ tyone axɨna uiche chichebopɨ uxia barukux. Uiñana nubasata ɨmoti Jesús, tyopiki ui noñemaxti ane axɨna numakokonaunku, tyonentityo naki uiche aipesɨnakati. Axti Jesús champɨ nɨmoche uiti nikɨsoxti akonti takubaxioti kɨtɨpɨ kurusɨx, tyopiki tusiu ɨmoti pɨrɨkɨ axɨmanu nityakisɨrɨkɨxti ñana taruku nipukɨnunkuxti. Auki tɨmonsoti au nepanaunku nityɨmoxti Tupax.

Ñemanauntu, champɨ manityomokotox uxia axtɨ toxio oemo. Ta oxonene. Tapɨ axtɨ iyebo osoi axɨmanu manunekatax uiti Tupax, taikiana uxia osoi oemoampatoe auki uisamute nanaiña axɨba omixhia.

Apapache nikiubu año nauki uxia aboi ɨmo namanaiña aɨbu napakokonaunku ɨmoti Tupax, tyopiki axtɨ chapisamutempɨ, chamasakatipɨ ñana.

Apiña napakionko isiukiti Jesús, sɨrɨmanama axɨbama chuxiampɨ nisɨborikixhimia tɨborikomantai kuatati taruku nityakisɨrɨkɨxti uimia, tapɨti champɨ nɨmoche uiti. Sane naukiche axaño tapɨ ubata aume, apiña nuxia.

Axɨna nɨriakaxti Tupax toxio uiti oemo, tyone axɨna chichebopɨ akaɨbu. Machampienkana ɨmoti ityobo nanaiña, manaunaintyo ɨmoti Tupax sane takana nixhankaxti.

Axtɨ axɨna kaɨma autakisɨrɨka, ta tyopiki aukuasɨrɨka ɨmoti Tupax ta manunekanatityo aume takana axtɨ axɨbama aɨtoxtiatoe. Tyopiki champɨti naki yaɨx chɨkuasotipɨ uiti yaɨtoti.

Tyopiki axti naki Tupax oemo, sane nakaxti takana pese axɨna omo uixh nanaiña.

Axɨbama uyaɨtaiki iku axɨna kɨx iñununekanama oñɨ ɨmo axɨna chabaityuxɨpɨ nosɨboriki, tyopiki au ñakionkoxɨma tyone axɨna uxia oemo. Tapɨti Tupax iñununekanati oñɨ nauki ñemanaunkuxatoe uxia nosɨboriki, nauki tapɨ ane nomɨnantɨ osoi takanati.

Tyopiki axaño ui namokɨmaka autakuapatoe pɨnanaki nomɨnantɨ, champɨti tɨkoiño takanati Jesús.