Popular Bible Verses from MATHE 7

Share

Mho' ge,- alao" naonhaung" qo" yu genae"- Qho ge,- alao" naonhaung" myao genae"- Kham: ko' ge, alao" naonhaung" re kham: phung" byid' li" nae".

Pe"mung:ga"re mho' ra" yaug wa qo" yu: li" nae"- Qho: ra" yaug wa qho: qhug' li" nae"- Kham: ko' yaug re kham: phung" byid' li" nae".

Ce: nga" dao: jham re gyo" yu mung: phug' cao" ra" yaug khag' ngadqere: yao: yao" yham re laug thin dao mae zhaug' ra" pha,jhi" bo yaug we' dau: ra".

Aimung:- su: yang naonhaung" re khoru: kad' re naonhaung" o ngaui: ru we' dakhyo: naonhaung" re: su gaje re airu: kad' byid: ge, Ce wa kham" to" ra" tarha" we' lapa qe: dao: amyhi" ngad: ra".

Kao so' daui: ra" khyo joe" ra" khyodang we' kham: dung: wa lhae" ra". Amung: aire qho: myao mo, mamyo: ko" ngad: ra".

Ai: lhae" ra" kham: dung: khyo" vao ye: ge,- pe"mung:ga"re myi:qid: tham: khyo joe" ra" kham: dung: we' khyodang wa lae: ra". Amung: ai: khyo su" lo" mo, gyai myo" ako".

Magai makhyang" ra" qobo jab qe- naonhaung" lhao" re:- naonhaung" yao: zo: qere gai: ra" ja: byid: nae" ba ko" ngad: re wa mug:gaung dao mae na: ra" naonhaung" Pho" wa yao: re mho' ra" mo, re gai: ra" ja: ai: tho' mago" je yang: byid: nae" mangad: i?

Su re dao: dakho' ge,- ailao" za: Mao"So wa naonhaung" re dao: makho' nae". Pe"mung:ga"re naonhaung" su re dao: kho' ra" au: ci: ra" jao dang re Mao"So ci: li" nae".

Ngadqere: ce:- nga" dao: jham re gyo" yu mung:- maphug' cao" ra" yaug khag' ngadqere:- yao: yao" yham re ma dam: mae zhaug' ra" kopyad' we' dau: ra".

Yao: yao" myo,jid' mae bo: ra" sag'thaung: re bo thoe magyo: lo: ni" mao:nhaung: pho" myo,jid' mae" sag' je, re pe"mung: qu" i? Ni" myo,jid' mae sag' thaung: bo: jo, zang ni" mao:nhaung: pho" re ni" myo,jid' mae" myo, vao sag' je, re yu: pye' byid: li" ein: nao khoru: mung: vae" ta" i?

Aung khug mae zag ne we' dau: ra" myid bo mung: adao mae yao qid ve; ci yang: naonhaung" jhao" joe" li" ra" lapa apyag' qere lha" yang: jao" ge,. Zau: bye, mae" sabyi shi: re mangad: lao"- zau: gae mae" pho' ham" shi: jham re lhaung" qo" phyo' yu ko" i? Yao: bam lapa apyag' qe ngad: rure yao: bam: mau" zo" ave, khyo" yang naonhaung" ba: li" genae".

Amung: gai: ra" agae khao: ngo" wa- lho" ra" ashi: zaui" ra". Qam: mabo: ra" agae wa malho" ra" ashi: zaui" ra".

Gai: ra" agae mae malho" ra" ashi: maqo" zaui: ngad: ra". Alao" magai: ra" agae mae re: lho" ra" ashi: maqo" zaui: ngad: ra".

Ashi: lho" mazaui" ra" agae khao: ngo" wa thau: lhang" pye' mung: myi:khyeim" khyo pye' zaui: pye' ru qhug' ako".