Popular Bible Verses from 2 KORINTHU 3

Share

Ana" cedau mae Asang ga" ru wa- Byo re ta" ru ngad: ra". Asang: Byo na: ra" jo, qo mae loe, beim khyo jo; ra".

Airumung: ngonhaung" alhab' mo, wa- myo,khung: nghoe' re qhid' pye' mung:- Asang: nho: phungbao re tug' bao byid' ra" Byo ngad: ra". Asang mae" byid' ra" phungbao yao: ngonhaung" re je yang: qi" ra" phungbao khyo tha" lo" byaug nhao: ra".

Jham: Mugsug' mae Moshe we' sin: yang: Asang shad' khyo phaug' lo lao" wa yao" pha, jad wa qhid' pye' byid' ra"- ga: tung" to" ru we' dakhyo: ai: pha, jad re qhid' pye' byid: gai: ra" ja: ngad; ra".

Ngonhaung" wa ce: mau" zo" re qo" zaui: so: mo, ngad: ein:- ta" nae" khyo ngonhaung" mae pe" qam: o: mabo ngad: ra". Ngonhaung" qo" ra" qam: o: wa Mao"So byid' ru ngad: ra". Yao: wa ngonhaung" re ai: dao: thang" asag' nho: daui daui mo, boe" nae" qhid' mae" qam: o: byid' to" ra". Ai: dao: thang" asag' wa- tung" to" ra" tarha" mangad:- Byo: nho: tarha" ngad: ra". Ai: tung" to" ra" tarha" wa shid nhao: ra". Byo kam" wa kao so' byid' ra".